Cichanoŭskaja pakazała svoj pracoŭny kabiniet. Tam jość i našumieły kubak z navahodniaha zvarotu
Śviatłana Cichanoŭskaja padzialiłasia ŭ instahramie videa sa svajho pracoŭnaha kabinieta.
Ofis Cichanoŭskaj ciapier u Vilni. U kabiniecie Cichanoŭskaj stajać dva bieł-čyrvona-biełyja ściahi. Na ścianie — malunak ź joj i Siarhiejem Cichanoŭskim.
Na stale sabranyja roznyja pamiatnyja rečy — partret Cichanoŭskaha mastački Ksišy Aniołavaj, karcina Aleny Zielencavaj, žoŭta-sini branzalecik (Cichanoŭskaja adznačyła tolki, što jaho sploŭ vielmi važny dla jaje čałaviek), chend-mejd lalka Śvieta, padoranaja ŭ Poznani, kalandaryki z natchnialnymi vyrazami.
Voś taki zvon ź Jefrasińnieŭskim kryžom dorać časam mižnarodnym partnioram:
Taksama staić našumieły kubak z navahodniaha zvarotu Cichanoŭskaj. Jon narabiŭ šumu, bo ŭ tvitary abmiarkoŭvali, ci narmalna mieć kubak za 20 jeŭra. U Ofisie tady tłumačyli, što kubak naležyć haspadaru kvatery, dzie zapisvali zvarot.
«Doŭhi čas jaho ŭ mianie nie było, ale tak šmat pra jaje žartaŭ… Pamiatajecie, Vara z Čechii, jakaja addała svoj dron našym dobraachvotnikam? Voś jana mnie padaryła hety kubak», — padzialiłasia Cichanoŭskaja.
U jaje kabiniecie staić taksama stełaž z roznymi suvienirami, jakija ŭ budučym pieradaduć u muziej. Tam paštoŭki, knižki, roznyja statuetki.
«Ja liču vielmi važnym atačać siabie rečami, jakija natchniajuć praciahvać pracu», — napisała Cichanoŭskaja pad videa.
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka7
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii2929
Kamientary