Lidarka demakratyčnych sił na polskim forumie adkazała na pytańni nakont biełaruskich pratestaŭ 2020 hoda, Alaksandra Łukašenki i cisku na režym.
Śviatłana Cichanoŭskaja pryniała ŭdzieł u Campus Polska ŭ Olštynie — štohadovym mierapryjemstvie, na jakim abmiarkoŭvajucca pytańni palityki, biaśpieki, kultury, adukacyi i hramadzianskaj supolnaści, paviedamlaje Reform.news.
Da hutarak u Campus Polska dałučajucca viadomyja asoby: da prykładu, premjer-ministr Polščy Donald Tusk ci kiraŭnica Jeŭraparłamienta Rabierta Mietsała.
«Łukašenka mianie niedaacaniŭ, ale jon taksama niedaacaniŭ našaje hramadstva. Jon straciŭ suviaź z realnaściu, ź ludźmi. Jon dumaŭ, što ŭsie jaho lubiać, ale mocna pamylaŭsia. Na žal, my taksama, jak hramadstva, niedaacanili maštab žorstkaści režymu,
— skazała jana. — Łukašenka sprabuje dystancyjavacca ad Pucina, ale naša zadača nie ratavać Łukašenku ad Pucina. Našaja zadača — vyratavać Biełaruś ad Łukašenki. Tamu vielmi važna, kab Zachad byŭ adziny ŭ svajoj palitycy i nie dazvoliŭ Łukašenku abduryć siabie».
Palityk taksama adznačyła adroźnieńni biełaruskich pratestaŭ ad ukrainskaha Majdana.
«Časta biełaruskuju revalucyju paraŭnoŭvajuć ź Jeŭramajdanam, ale kantekst byŭ inšy. Va Ukrainie mianialisia prezidenty, heta ŭsio ž była demakratyja, i było šmat ludziej pa abodva baki kanfliktu. U Biełarusi Łukašenka stvaryŭ sistemu dla siabie. Da taho ž biełaruskaje hramadstva vielmi mirnaje.
Nam časta kazali, što my nadta pakorlivyja. Što zdymali abutak, kab ustać na łaŭku. Ale ciapier tyja ž ludzi vajujuć na baku Ukrainy jak dobraachvotniki», — padkreśliła jana.
Cichanoŭskaja zajaviła ab nieabchodnaści pačać praces pryciahnieńnia da adkaznaści adkaznych za represii.
«Łukašenka pavinien być pryciahnuty da adkaznaści za złačynstvy. Ciapier jon i jaho atačeńnie adčuvajuć siabie biespakaranymi i praciahvajuć svaje złačynstvy ŭ Biełarusi», — pryvodzić jaje słovy pres-słužba.
Palityk taksama zaklikała nie izalavać biełarusaŭ.
«Važna nie izalavać biełarusaŭ, dazvolić im naviedvać svajakoŭ i siabroŭ, vučycca za miažoj. Dazvolić padarožničać. Łukašenka havoryć: vas nichto nie choča bačyć na Zachadzie. Zachad nie choča vam dapamahać. My chacieli b inšaha — viarnucca ŭ jeŭrapiejskuju siamju», — zajaviła jana.
Cichanoŭskaja pavinšavała biełarusaŭ z Dniom adnaŭleńnia niezaležnaści i źviarnułasia da namienkłatury i vajskoŭcaŭ
Cichanoŭskaja: Nijakija zachopnickija pamknieńni Rasii nie zmohuć pieramahčy ŭkrainski narod
Cichanoŭskaja pakazała svoj pracoŭny kabiniet. Tam jość i našumieły kubak z navahodniaha zvarotu
Błok Jahorava śviatkuje pieramohu: bolšaść delehataŭ KR nie padtrymlivaje lidarstva Cichanoŭskaj. Sapraŭdy tak?
Ciapier čytajuć
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak5
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary
Heta moj tekst ! Ja musiŭ jaho pisać i hanarar mnie, a nie tabie.