Bolšaść rasijan vystupaje za spynieńnie vajennych dziejańniaŭ va Ukrainie
Adnak Kursk trochi źmienšyŭ hetuju ličbu.
Russian Field pa prośbie JEŽ/dnievnika spytali ŭ rasijanaŭ, što na ich pohlad ciapier važniej: praciahvać vajennyja dziejańni abo pačać praces pieramovaŭ. Mierkavańni padzialilisia praktyčna paroŭnu: 43% za pieramovy, 40% — za praciah bajavych dziejańniaŭ.
Pakazalna, što čym vyšej uzrovień dachodu respandentaŭ, tym bolš ludziej vystupajuć za mirnyja pieramovy.
Tak, za praciah vajny vykazvalisia pieravažna ludzi z dachodami tolki da 40 tysiač rubloŭ (440 dalaraŭ).
Paśla ataki ŭkrainskimi vojskami Kurskaj vobłaści, prychilnikaŭ mirnaj linii stała mienš na 6%, a prychilnikaŭ vajennaj — na 1%. Stała bolš niavyznačanych.
Pryčym, kali Pucin spynić bajavyja dziejańni prosta ciapier, to 70% rasijanaŭ padtrymajuć hetuju pastanovu. Heta datyčycca ŭsich hrup nasielnictva.
Kamientary