U Minsku pradajuć 10-hadovuju Mazda z prabieham mienš za 1000 km. Tak byvaje?
Za amal dziesiać hadoŭ Mazda CX 5 prajechała ŭsiaho 944 kiłamietry. Kali vieryć apisańniu, na joj dabralisia z Maskvy ŭ Minsk i bolš nie jeździli.
Japonka z Maskvy
U abjavie pišacca, što hetuju Mazda u studzieni 2015 hoda nabyli novaj u Maskvie. Dabraŭšysia da Minska, mašynu pastavili ŭ haraž na zachoŭvańnie. Uvieś hety čas mašynaj nie karystalisia.
Prabieh mašyny — šlach z aŭtasałona ŭ Maskvie da Minska. Aproč hetaha, aŭtamabil jašče krychu prajechaŭsia pa Minsku. Naprykancy lipienia 2024 hoda na mašynie źjeździli na aficyjny servis Mazda «Atłant-M Chołpi» ŭ Baravoj.
Tam zamianili rodny akumulatar na novy, aproč AKB, u mašynie zamianili techničnyja vadkaści i filtry.
«Aŭtamabil zapuščany, pratestavany i hatovy da ekspłuatacyi. Stan novaha aŭto», — havorycca ŭ apisańni.
Miarkujučy pa fota, aŭtamabil sapraŭdy vyhladaje, jak novy. Ślady ekspłuatacyi adsutničajuć. Ale i ličyć jaho novym nie vypadaje, bo z momantu vypusku hetaha ekziemplara prajšło ŭžo 10 hadoŭ.
Paśla dziesiaci hadoŭ prastoju mnohija humovyja detali, salniki i inšyja vuzły mohuć chutka pačać vychodzić z ładu.
Kali, naprykład, na mašynie dahetul stajać zavadskija pakryški, to jany mahli stracić pačatkovyja jakaści. Jak minimum, jany buduć znošvacca chutčej. Bo dziesiać hadoŭ ličycca maksimalnym terminam prydatnaści dla pakryšak.
Prosiać za «novy» 10-hadovy parkietnik 29 990 dalaraŭ ZŠA. Anałahičnyja aŭto z prabieham u siarednim pradajuć za 16 500 dalaraŭ.
Čamu ciaham dziesiaci hadoŭ mašyna nie ekspłuatavałasia — historyja maŭčyć. Ale vielmi padobna na toje, što hetaja Mazda — adna sa šmatlikich mašyn, jakija biełarusy pačali masava pryhaniać z Rasii paśla abvału rasijskaha rubla. Heta akurat adbyvałasia ŭ kancy 2014 — pačatku 2015 hoda.
Ciapier čytajuć
«Chavaješ svoj žach, bo heta škilet sa skuraj». Śviatłana Cichanoŭskaja pryznałasia, ci paznała Siarhieja praź piać hadoŭ1
Kamientary
tekst JANKA pissaŭ?