U biełaruskich škołach źjaviŭsia fakultatyŭ dla junych karespandentaŭ
Ministerstva adukacyi razhladaje taksama mahčymaść stvareńnia profilnaha miedyjnaha kłasa.
Fakultatyŭ dla junych karespandentaŭ źjaviŭsia ŭ škołach Biełarusi. Pra heta zajaviŭ dekan fakulteta žurnalistyki BDU Alaksiej Bialajeŭ, piša BiełTA.
— Pad kantrolem Ministerstva adukacyi raspracavana prahrama fakultatyŭnaha kursa junych karespandentaŭ, jaki budzie prapanavany navučencam pa ŭsioj krainie. Ruch junkaraŭ naš fakultet padtrymlivaje. My ź imi ŭ kantakcie, na praciahu hoda zaprašajem ich da siabie, pravodzim dla ich konkursy na bazie fakulteta, — raspavioŭ A. Bialajeŭ.
Ministerstva adukacyi razhladaje mahčymaść stvareńnia profilnaha miedyjnaha kłasa. Pa słovach A.Bialajeva, taki kłas dazvolić dzieciam atrymać pačatkovyja viedy ŭ halinie žurnalistyki i ideałohii, a taksama raźvić navyki stvareńnia tekstavaha i aŭdyjovizualnaha kantentu. Taksama jon adznačyŭ, što ŭ navučencaŭ, jakija prajšli padrychtoŭku ŭ profilnym kłasie, da momantu pastupleńnia ŭ VNU budzie farmiravacca bolš abjomnaje i jakasnaje partfolia.
— Pieramovy ab jaho stvareńni my viadziem sa staličnaj siaredniaj škołaj № 20, ź Ministerstvam adukacyi prapracoŭvajem pytańnie dalejšaj adukacyjnaj trajektoryi vypusknikoŭ profilnaha kłasa, — dadaŭ dekan.
Ciapier čytajuć
Azaraŭ zakryŭ płan «Pieramoha» i pieravioŭ usich udzielnikaŭ u rezierv18
Azaraŭ zakryŭ płan «Pieramoha» i pieravioŭ usich udzielnikaŭ u rezierv
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie3333
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie33
Biełaruska arhanizavała adpačynak dla dziaciej palitviaźniaŭ na Łazurnym bierazie. Jana raskazała, jak uciakała z krainy i jak jaje zatrymlivaŭ Interpał1212
Kamientary