У беларускіх школах з'явіўся факультатыў для юных карэспандэнтаў
Міністэрства адукацыі разглядае таксама магчымасць стварэння профільнага медыйнага класа.
Факультатыў для юных карэспандэнтаў з'явіўся ў школах Беларусі. Пра гэта заявіў дэкан факультэта журналістыкі БДУ Аляксей Бяляеў, піша БелТА.
— Пад кантролем Міністэрства адукацыі распрацавана праграма факультатыўнага курса юных карэспандэнтаў, які будзе прапанаваны навучэнцам па ўсёй краіне. Рух юнкараў наш факультэт падтрымлівае. Мы з імі ў кантакце, на працягу года запрашаем іх да сябе, праводзім для іх конкурсы на базе факультэта, — распавёў А. Бяляеў.
Міністэрства адукацыі разглядае магчымасць стварэння профільнага медыйнага класа. Па словах А.Бяляева, такі клас дазволіць дзецям атрымаць пачатковыя веды ў галіне журналістыкі і ідэалогіі, а таксама развіць навыкі стварэння тэкставага і аўдыёвізуальнага кантэнту. Таксама ён адзначыў, што ў навучэнцаў, якія прайшлі падрыхтоўку ў профільным класе, да моманту паступлення ў ВНУ будзе фарміравацца больш аб'ёмнае і якаснае партфоліа.
— Перамовы аб яго стварэнні мы вядзем са сталічнай сярэдняй школай № 20, з Міністэрствам адукацыі прапрацоўваем пытанне далейшай адукацыйнай траекторыі выпускнікоў профільнага класа, — дадаў дэкан.
Цяпер чытаюць
Дзяўчына з-пад Маладзечна некалькі месяцаў жыла ў Гданьску на вуліцы. Яна расказала пра сваё няпростае жыццё3
Дзяўчына з-пад Маладзечна некалькі месяцаў жыла ў Гданьску на вуліцы. Яна расказала пра сваё няпростае жыццё
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга219219
Каментары