Sudziać 19-hadovaha chłopca, jaki pavioŭsia na pravakacyju KDB. Jamu pahražaje da piatnaccaci hadoŭ kałonii
Daniił Harasim chacieŭ ustupić u PKK, ale natrapiŭ na fejkavy bot, jaki administrujuć biełaruskija śpiecsłužby. Ciapier jaho abvinavačvajuć pa troch artykułach KK.
Viadoma pra chłopca mała — jamu 19 hadoŭ, i jon z Mahilova. Paśla škoły pastupiŭ u kaledž, padobna, na cieślara.
Miarkujučy pa videa ANT, chłopiec chacieŭ patrapić u šerahi biełaruskich dabraachvotnikaŭ. Jon zapytaŭsia, jakim čynam heta možna zrabić. U adkaz jamu dali «pieršaje zadańnie» — zrabić fota rakietna-artyleryjskaj bryhady. A paśla — pieradać pryładu dla vyviadzieńnia z ładu ciahnikoŭ aktyvistam ruchu «Supraciŭ».
Uvieś hety čas za chłopcam ščylna sačyŭ KDB, pa TB pakazali pierapiski z «kurataram». Daniła Harasim pavioŭsia na apieracyju KDB, napisaŭšy ŭ adzin z fejkavych botaŭ.
Kadebisty stvaryli vialikuju sietku fejkavych resursaŭ, jakija imitujuć resursy PKK dy inšych inicyjatyvaŭ. Bolšaść tych, chto pavioŭsia, paśla byli zatrymanyja. Nahadajem, što PKK i inšyja padraździaleńni dobraachvotnikaŭ nikoli nie dajuć pierad ustupleńniem u svaje šerahi anijakich «pravieračnych zadańniaŭ».
Sud nad chłopcam pačniecca 16 vieraśnia ŭ Mahiloŭskim abłasnym sudzie. Jaho abvinavačvajuć u «sprobie ŭdziełu ŭ vajnie» (zaŭv. 3 č. 1 art. 361 KK), «zdradzie dziaržavie» (č. 1 art. 365 KK) i «niezakonnych dziejańniach u adnosinach da ahniastrelnaj zbroi, bajeprypasaŭ i vybuchovych rečyvaŭ» (č. 2 art. 295 KK).
Jamu pahražaje da piatnaccaci hadoŭ kałonii. Sudzić jaho budzie Ihar Ziamcoŭ, jaki vynies nie mienš za 20 palityčnych prysudaŭ pa kryminalnych spravach.
«Naša Niva» — bastyjon biełaruščyny
PADTRYMAĆSiłaviki zatrymali siemiarych padletkaŭ, jakich vinavaciać u teraryźmie i zdradzie dziaržavie
KDB moža prapanoŭvać ludziam supracu pad vyhladam ukraincaŭ. Analiz filma pra «terarystaŭ, jakich viało SBU»
Čamu aficyjnaja viersija zatrymańnia «dyviersantaŭ SBU» vyhladaje niepraŭdziva. Važnyja padrabiaznaści
Ciapier čytajuć
«Kali mnie prylacić, ja hatovaja». Nasta Rahatko — pra seks-scenu ŭ svajoj knizie, prarasijskich svajakoŭ, Hajun i Matolku32
Kamientary