Stała viadoma pra śmierć mahiloŭskaj teatralnaj aktrysy Natalli Suvoravaj. Pra heta paviedamiła ŭ sacsietkach pres-słužba Mahiloŭskaha abłasnoha teatra lalek.
Natalla Suvorava pracavała ŭ Mahiloŭskim abłasnym teatry lalek z 1994 pa 2015 hod. Pracujučy tam, jana stvaryła zvyš 50 rolaŭ. Samymi jarkimi ź jakich stali vobrazy Rusałački ŭ adnajmiennym śpiektakli «Rusałačka» pavodle kazki Chansa Kryścijana Andersana, babuli ŭ «Pilipku i Viedźmie», Čyrvonaha Kapturka, myšaniaci Miki, Dziujmovački i mnohich inšych.
«Apošnija hady Natalla Michajłaŭna była na zasłužanym adpačynku. Kalektyŭ teatra smutkuje pa stracie i vykazvaje ščyraje spačuvańnie siamji i blizkim», — skazali ŭ teatry.
Raźvitańnie z Natallaj Suvoravaj adbudziecca 10 vieraśnia z 10.00 da 12.00 hadzin u centry rytualnych pasłuh pa vulicy Pieršamajskaj, 99.
Kamientary