Pa zakančeńni śledstva Palinu Šarenda-Panasiuk etapavali ŭ karcar
Rasśledavańnie novaj kryminalnaj spravy suprać palitźniavolenaj Paliny Šarenda-Panasiuk zaviaršyli 9 vieraśnia.
Palitźniavolenaj Palinie Šarenda-Panasiuk kančatkova vystavili abvinavačvańnie pavodle 1 častki artykuła 411 KK ab niepadparadkavańni administracyi papraŭčaj ustanovy.
Pra heta paviedamiŭ Radyjo Svaboda muž aktyvistki Andrej Šarenda. Pavodle źviestak Andreja ŭ toj ža dzień Palinu aznajomili z materyjałami spravy i etapavali ŭ SIZA № 3 Homiela.
«10 vieraśnia svajaki pasprabavali vyśvietlić stan zdaroŭja Paliny, ale ŭ vyniku daviedalisia tolki pra toje, što adrazu, jak jaje pryvieźli z rečyckaha IČU ŭ homielskaje SIZA, dyk pakarali karcaram na 10 dzion. Za što — nieviadoma. To bok cisk na jaje praciahvajecca. Nie ličacca ź jaje chvarobami, a naadvarot, paharšajuć joj umovy. Bo ŭ karcary Palina nie zmoža nabyć praduktaŭ, kab dadatkova charčavacca. Ździekujucca dalej», — miarkuje muž palitźniavolenaj Paliny Šarenda-Panasiuk.
Palinu Šarenda-Panasiuk užo dvojčy ŭ kałonii sudzili pa 411 artykule KK i hetak dadali da terminu ŭ 2,5 hady jašče 2 hady. Trecim razam spravu pa artykule ab niepadparadkavańni administracyi turmy na aktyvistku zaviali letaś. Andrej Šarenda miarkuje, što novy sud nad jahonaj žonkaj moža adbycca «prykładna praź miesiac— paŭtara».
«Hetki termin zvyčajna ŭ ich prachodzić ad nakiravańnia spravu ŭ prakuraturu da sudu», — zaŭvažyŭ Andrej.
23 traŭnia Palina Šarenda-Panasiuk mieła vyjści na volu paśla adbyćcia terminu źniavoleńnia ŭ 2,5 hoda i dvuch dadatkovych terminaŭ pa adnym hodzie, dabaŭlenych sudom nibyta za «złosnaje niepadparadkavańnie zakonnym patrabavańniam administracyi». Ale zamiest vyzvaleńnia aktyvistku źmiaścili ŭ Homielskaje SIZA na čas rasśledavańnia novaj kryminalnaj spravy pavodle 411-ha artykuła KK (niepadparadkavańnie administracyi turmy). Mienavita ŭ miežach hetaj spravy ciapier Palinu pieraviali ŭ Rečycki izalatar časovaha ŭtrymańnia.
-
«Prahnoz kiroŭcy — 15—16 hadzin na miažy». Pasažyry aŭtobusaŭ, što jeduć u Litvu, skardziacca na niezvyčajna doŭhaje čakańnie
-
«Navat darosłyja chacieli dałučycca». Jak biełarusy ŭ emihracyi arhanizavali letnik dla dziaciej u Biełaviežskaj puščy
-
Zastaŭsia biez parečak. Uładalnik hadavalnika pad Minskam — pra toje, jak nadvorje paŭpłyvała na pracu
Ciapier čytajuć
«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu42
Kamientary