Hihin: Mif ab Kalinoŭskim škodny — jaho idei supiarečać duchu biełaruskaj nacyi
«U Savieckim Sajuzie nie havaryli ŭsiu praŭdu pra Kalinoŭskaha», — śćviardžaje prapahandyst.
U efiry prahramy «Azaronak. Napriamuju» deputat Pałaty pradstaŭnikoŭ, hienieralny dyrektar Nacyjanalnaj biblijateki Biełarusi, staršynia tavarystva «Viedy» kandydat histaryčnych navuk Vadzim Hihin vykazaŭsia pra «škodnaść mifa ab Kalinoŭskim».
Prapahandyst pryznaŭ, što biełarusy ličać Kalinoŭskaha hierojem i tamu skancentravaŭsia na krytycy mierkavańnia častki praŭładnaha łahieru, što «nie taki jon i drenny, davajcie chacia b jaho cień pakiniem».
Hihin ličyć, što takoje mierkavańnie źviazana z bojaźziu ludziej raźvitacca z svaimi stereatypami, «kali tabie ŭ škole havaryli, što jon hieroj, i raptam vyśviatlajecca, što nie».
«Čym škodny mif ab Kalinoŭskim?», — zadaje pytańnie prapahandyst i tłumačyć:
«U Savieckim Sajuzie, u savieckaj Biełarusi nie havaryli ŭsiu praŭdu pra jaho. Ź jaho rabili fihuru, jakaja nie adpaviadała rečaisnaści. Fihuru narodnaha pravadyra, zmahara pieradusim za niejkija sacyjalnyja dabroty.
Tak, jon ličyŭ, dla taho, kab dabicca mety — vyzvalić polskuju Reč Paspalituju z-pad ułady Rasii — nieabchodna rabić staŭku nie tolki na šlachtu, ale i na sialanstva. Voś u hetym niepasredna i byŭ jaho radykalizm. Chacia niejkaj dakładnaj sacyjalnaj prahramy ŭ jaho i jaho prychilnikaŭ nie było».
Ale, zaŭvažaje Hihin, «kali my pačytajem «Mužyckuju praŭdu», zahady jaho žondu — heta ž zahady, jakija supiarečać duchu biełaruskaj nacyi».
Na pohlad prapahandysta, jany «raspalvajuć nianaviść da ruskich, pravasłaŭnych».
«I heta praŭda. My nie možam takoha čałavieka navat blizka nabližać da niejkaha panteona i havaryć: «Nie, nu vy viedajecie, moža być, jon supiarečlivy i nieadnaznačny. Jak jon «nieadnaznačny»?
Jon adnaznačny. Heta čałaviek, jaki imknuŭsia dabicca ŭłady nie dla asabistaha abahačeńnia (biezumoŭna, heta byŭ fanatyk), a dabicca ŭłady praz raspalvańnie varožaści, praz raspalvańnie niaroŭnaści», — ličyć Hihin.
Ciapier čytajuć
«Nie chaču čuć «śpierdalaj da Ukrainy» tolki tamu, što razmaŭlaju z baćkami pa telefonie na ruskaj». Biełarusy dzielacca, čamu viartajucca z Polščy6
Kamientary
Vorhanam NKVD rasstralać Hihina ŭ Kurapatach.
Vidavočna, što Hihin nie spraŭlajecca, jak kiraŭnik. Treba jaho zvalniać z pasady.