Hramadstva77

Łukašenka zaprasiŭ u Biełaruś słavackaha premjera Ficu

U 2010-ja hady Robiert Fica ŭžo dapamahaŭ biełaruskamu palityku narmalizavać adnosiny ź Jeŭrapiejskim sajuzam.

Zaprašeńnie na «na asabistuju sustreču» ŭ Biełaruś Alaksandr Łukašenka pieradaŭ premjer-ministru Słavakii, pavinšavaŭšy jaho 15 vieraśnia z 60-hodździem, pieradaje «Zierkało» sa spasyłkaj na pres-słužbu palityka.

Premjer-ministr Słavakii Robiert Fica na sustrečy z Alaksandram Łukašenkam u Minsku, 25 listapada 2016 hoda. Fota: pres-słužba Alaksandra Łukašenki

«U Biełarusi viedajuć i šanujuć metanakiravanaść i enierhiju, ź jakimi Vy šmat hadoŭ adstojvajecie intaresy svajoj krainy. Vašyja pryncypovaść i imknieńnie iści napierad, umieńnie zhurtavać adnadumcaŭ, prama i adkryta vykazvać svajo mierkavańnie — važnyja jakaści sapraŭdnaha dziaržaŭnaha dziejača», — havorycca ŭ vinšavańni.

Łukašenka spadziajecca na «asabistuju sustreču ŭ bližejšy čas dla padrabiaznaha abmierkavańnia ahulnych tem» i budzie rady vitać jeŭrapiejskaha palityka «na biełaruskaj ziamli».

Na pasadzie premjer-ministra Słavakii Fica znachodzicca z kastryčnika 2023 hoda, kali jaho partyju SMER-SD padtrymali 23,3% vybarščykaŭ. U minułym jon užo dvojčy zajmaŭ hetuju pasadu. Ficu nazyvajuć prarasijskim palitykam: u pryvatnaści, jon zajaŭlaŭ pra namier spynić vajennuju dapamohu Ukrainie.

Akramia taho, z pačatku novaha premjerstva Ficy Słavakija adnaviła kulturnaje supracoŭnictva ź Biełaruśsiu, spynienaje paśla rasijskaha ŭvarvańnia va Ukrainu, kali dla zachodu vojskaŭ i zapusku rakiet vykarystoŭvałasia i terytoryja našaj krainy.

Darečy, padčas papiaredniaha premjerstva, u 2016 hodzie, Fica ŭžo sustrakaŭsia z Łukašenkam u Minsku. Tady apošni dziakavaŭ Słavakii «za narmalizacyju adnosin Biełarusi i ES». Palityki abmiarkoŭvali sumiesnyja prajekty ŭ farmaceŭtycy, atamnaj enierhietycy, vytvorčaści šyn, drevaapracoŭcy, hazavaj śfiery, a taksama ŭ abaronnaj pramysłovaści.

Kamientary7

  • Jánošík
    15.09.2024
    Fica - u minułym člen kamunistyčnaj partyi, a ciapier lidar sacyjał-demakrataŭ. Heta dapaŭniaje słavijanafilstva ŭ prarasiejskim vydańni.

    Ničoha dziŭnaha, što taki tavaryš jedzie ŭ samuju savieckuju dziaržavu Jeŭropy.
  • Nie tort
    15.09.2024
    Fica heta prarasijski kryminalny elemient u Słavakii.
  • Symon
    15.09.2024
    Na ščaście, u Słavaččyni niama supolnaj miažy ź Biełaruśsiu, što rezka ŭskładniaje abychod sankcyj.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Jak siońnia žyvuć Kuźniečyki, jakija amal dva hady chavalisia ŭ pasolstvie Šviecyi, kab nie trapić u kipciury siłavikoŭ?2

Jak siońnia žyvuć Kuźniečyki, jakija amal dva hady chavalisia ŭ pasolstvie Šviecyi, kab nie trapić u kipciury siłavikoŭ?

Usie naviny →
Usie naviny

MZS Litvy nakiravała Biełarusi notu pratestu z-za rasijskaha drona

«Heta chleb ci klej?»: žycharka Baranavičaŭ aburyłasia jakaściu pradukcyi chlebazavoda9

Trybuna stadyjona budučaha supiernika minskaha «Dynama» ŭ jeŭrakubkach nazvana ŭ honar futbalista, jaki pamior padčas matča

Adkaznaść za zabojstva pałkoŭnika SBU Varoniča ŭ Kijevie ŭziała na siabie nieanacysckaja hrupoŭka «Baza»3

«Ja nie bačyŭ ničoha takoha»: jak lalki Labubu prynieśli šalony prybytak3

Minskaje «Dynama» vylecieła z kvalifikacyi Lihi čempijonaŭ u pieršym raŭndzie2

Biełaruskija mytniki adkazali na skarhi adnosna doŭhaha afarmleńnia na miažy2

Siryjskija ŭłady i druzy damovilisia pra spynieńnie ahniu6

U centry Minska proci načy vystraiłasia vializnaja čarha ludziej, niekatoryja ŭ pižamach VIDEA4

bolš čytanych navin
bolš łajkanych navin

Jak siońnia žyvuć Kuźniečyki, jakija amal dva hady chavalisia ŭ pasolstvie Šviecyi, kab nie trapić u kipciury siłavikoŭ?2

Jak siońnia žyvuć Kuźniečyki, jakija amal dva hady chavalisia ŭ pasolstvie Šviecyi, kab nie trapić u kipciury siłavikoŭ?

Hałoŭnaje
Usie naviny →

Zaŭvaha:

 

 

 

 

Zakryć Paviedamić