Śviet77

Učorašniuju stralbu ŭ Fłarydzie kvalifikavali jak zamach na Trampa

Taksama stała viadoma imia čałavieka, padazravanaha ŭ zamachu.

Donald Tramp. Fota: Alex Brandon / AP

Donald Tramp ceły paśla stralby, jakaja adbyłasia pobač ź jaho holf-kłubam u Fłarydzie, abviaściła ŭ niadzielu vybarčaja kampanija byłoha prezidenta, jaki znoŭ bałatujecca na hetuju pasadu, piša «Hołas Amieryki».

Były prezident, jaki znachodziŭsia ŭ svaim holf-kłubie ŭ Fłarydzie, pavodle paviedamleńniaŭ ŚMI, ceły paśla strełaŭ, jakija razdalisia pablizu ad jaho, zajaviŭ Styvien Čenh, dyrektar pa kamunikacyjach vybarčaj kampanii Donalda Trampa, dadaŭšy, što padrabiaznaściaŭ pakul niama.

Sam były prezident paśla incydentu adpraviŭ elektronny list na adras svajoj pieradvybarnaj kampanii, u jakim havaryłasia, što «niepadalok ad mianie prahučali streły, ale pierš čym čutki pačnuć vychodzić z-pad kantrolu, ja chacieŭ, kab vy spačatku pačuli heta: Ja ŭ biaśpiecy i zdarovy!».

Pavodle źviestak CNN, padčas incydentu mieła miesca Pierastrełka kala holf-kłuba Trump International. Telekanał paviedamiŭ pra heta sa spasyłkaj na pradstaŭnikoŭ vybarčaj kampanii eks-prezidenta.

Dva miesiacy tamu, 13 lipienia, Tramp atrymaŭ ranieńnie ŭ vyniku stralaniny, jakaja pryviała da hibieli adnaho čałavieka i ranieńnia dvuch ludziej, jakija prysutničali na pieradvybarnym vystupie Trampa ŭ Piensilvanii.

Hety pravał u biaśpiecy pryvioŭ da adstaŭki kiraŭnika Sakretnaj słužby i časovaha adchileńnia prynamsi piaci ahientaŭ hetaha padraździaleńnia, jaki adkazvaje za achovu vyšejšych słužbovych asob u krainie.

Jak paviedamili viadučyja amierykanskija miedyja, FBR prystupiła da rasśledavańnia incydentu, jaki kvalifikavany jak «zamach na zabojstva» byłoha prezidenta Donalda Trampa. Ahienty Sakretnaj słužby adkryli stralbu pa nieviadomym, uzbrojenym aŭtamatam AK-47, jakija byŭ zaŭvažany ŭ kustach kala pola dla holfa Trump International u Fłarydzie.

Pradstaŭnik vybarčaha štaba Trampa zajaviŭ, što były prezident, jaki znachodziŭsia na poli, u biaśpiecy. Krynicy ŭ pravaachoŭnych orhanach paviedamili ABC News, što padazravany znachodzicca pad vartaj.

Šeryf akruhi Pałm-Bič Ryk Bredšou skazaŭ, što strałok znachodziŭsia na adlehłaść ad 200 da 400 mietraŭ ad byłoha prezidenta, kali jaho zaŭvažyli. Ahienty Sakretnaj słužby adkryli ahoń, paśla čaho padazravany kinuŭ zbroju i pasprabavaŭ schavacca. Krynica paviedamiła, što padazravany sieŭ u aŭtamabil, adnak śviedki zdoleli zaŭvažyć jaho numarny znak, jaki byŭ pieradadzieny i adsočany pravaachoŭnikami. Aŭtamašyna była spynienaja, a padazravany ŭziaty pad vartu. Jak paviedamiŭ šeryf, razam z aŭtamatam typu AK-47 z aptyčnym prycełam na miescy zdareńnia byli znojdzienyja dva taktyčnyja zaplečniki z kieramičnaj plitkaj unutry i videakamiera GoPro.

Ułady identyfikavali padazravanaha ŭ sprobie zamachu jak Rajana Ueśli Ruta, paviedamili Fox News i CNN sa spasyłkaj na krynicy.

Mužčyna prasunuŭ stvoł praz aharodžu holf-kłuba ŭ Uest-Pałm-Bič, dzie Tramp u toj momant hulaŭ u holf. Jon znachodziŭsia ŭ niekalkich sotniach mietraŭ ad palityka. Supracoŭniki Sakretnaj słužby zaŭvažyli Ruta i adkryli ahoń, paviedamlaje Fox News. Jamu ŭdałosia ŭciačy, ale paźniej jon byŭ zatrymany. Zbroju znajšli ŭ kustach kala pola dla holfa.

Kamientary7

  • SB Siehodnia
    16.09.2024
    O, SiNyNy - viadučaja amerykanskaja medyja, jak ja - viadučaja kruchmalnaja
  • Kieramičnaja Plitka
    16.09.2024
    Budaŭničyja i kilerskija pasłuhi.
  • Kieramin
    16.09.2024
    Budaŭnik-kiler
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

«Upeŭnieny, jon i z kaniom kala arki pahavaryŭ». Rasijski žurnalist apisaŭ pryjezd Łukašenki na parad7

«Upeŭnieny, jon i z kaniom kala arki pahavaryŭ». Rasijski žurnalist apisaŭ pryjezd Łukašenki na parad

Usie naviny →
Usie naviny

Ziankovič: Biezumoŭna, ja b nie pajechaŭ u Maskvu pad harantyi Volhi Karač21

Zatrymali brata Ihara Łosika5

Zahadka vadałaza, jakoha znajšli biez hałavy i ruk: špijonskaja historyja časoŭ Chałodnaj vajny

«Jašče i kredytny rejtynh paciarpić». Bankamat zabraŭ hrošy, ale na rachunak jany nie pastupili3

U finale futbolnaha jeŭrakubka zhulajuć kamandy, jakija zajmajuć 15-je i 16-ja miescy ŭ svaim čempijanacie

«Staŭleńnie jak da skaciny». Prarasijski błohier raskazaŭ pra 25 sutak ŭ IČU12

Džej Dzi Vens: Rasija na pieramovach pa Ukrainie prosić bolš za razumnaje. Jana nie atrymaje terytoryi, jakija navat nie zachapiła3

Cichanoŭskaja: Vajna nikoli nie pavinna być srodkam vyrašeńnia prablem8

Papa Leŭ XIV: amierykanski misijanier u Pieru, jaki krytykavaŭ vice-prezidenta ZŠA. Što viadoma pra novaha Papu2

bolš čytanych navin
bolš łajkanych navin

«Upeŭnieny, jon i z kaniom kala arki pahavaryŭ». Rasijski žurnalist apisaŭ pryjezd Łukašenki na parad7

«Upeŭnieny, jon i z kaniom kala arki pahavaryŭ». Rasijski žurnalist apisaŭ pryjezd Łukašenki na parad

Hałoŭnaje
Usie naviny →

Zaŭvaha:

 

 

 

 

Zakryć Paviedamić