Sud ES admoviŭsia zdymać sankcyi z «Biełaruśkalija» i Biełaruskaj kalijnaj kampanii
Sud JESZ admoviŭ u zadavalnieńni pazovaŭ «Biełaruśkalija», jahonaha hiendyrektara Ivana Hałavataha i Biełaruskaj kalijnaj kampanii da Rady ES ab admienie sankcyj, piša Radyjo Svaboda.
Jurysty, jakija pradstaŭlajuć biełaruskaha vytvorcu ŭhnajeńniaŭ, nastojvali na tym, što sankcyi parušajuć pryncyp zakonnaści. Akramia taho, u jakaści arhumientaŭ jany ŭkazvali na pamyłku ŭ acenkach, parušeńnie pryncypu niedyskryminacyi, praparcyjnaści abmiežavalnych mieraŭ i inš.
Razhledzieŭšy arhumienty biełaruskaha boku, a taksama pradstaŭnikoŭ Rady ES i Łatvii i Bielhii, jakija padtrymlivali Radu ŭ sudzie, sud pryniaŭ rašeńnie adchilić pazoŭ «Biełaruśkalija». «Biełaruśkalij» taksama pavinien budzie apłacić sudovyja vydatki, paniesienyja Radaj ES. Łatvija i Bielhija sami buduć nieści svaje vydatki.
Taksama 18 vieraśnia apublikavali rašeńni suda pa pazovach «Biełaruskaj kalijnaj kampanii» i hiendyrektara «Biełaruśkalija» Ivana Hałavataha. Jany taksama damahalisia admieny rašeńniaŭ ab prymianieńni sankcyj. U hetych pazovach Radu ES padtrymlivała Łatvija.
Hetyja pazovy sud taksama adchiliŭ. Pazoŭniki pavinny buduć pakryć sudovyja vydatki Rady ES.
Ciapier čytajuć
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary