Niezvyčajna redki i ŭ peŭnym sensie navat unikalny hryb byŭ znojdzieny ŭ Biełaviežskaj puščy. Heta hierycyj hrabienisty abo, pa-navukovamu, Hericium erinaceus Pers, havorycca na sajcie Nacyjanalnaha parka.
Znachodki hetaha hryba na terytoryi krainy možna litaralna pa palcach pieraličyć i ŭsie jany byli zroblenyja mienavita ŭ našaj Biełaviežskaj puščy.
Upieršyniu hierycyj hrabieńčaty byŭ adznačany Paŭłam Kiryłavičam Michalevičam — viadomym puščanskim mikołaham — u 1967 hodzie. Nastupnaja znachodka naležyć supracoŭnikam łabaratoryi mikałohii Instytuta ekśpierymientalnaj bataniki — jany znajšli hierycyj u 2016 hodzie, h.zn. praz amal 50 hadoŭ. U hetym hodzie taksama paščaściła adznačyć hety ŭnikalny hryb adrazu ŭ troch miescach.
Vyrastańnie hierycyja hrabieńčataha ŭ Biełaviežskaj puščy zakanamiernaja źjava. Jon patrabavalny nie tolki da asablivych umoŭ uvilhatnieńnia i tempieraturnaha režymu, ale i naŭprost zaležyć ad substrata — miortvaj draŭniny. I zapaviednyja niekranutyja puščanskija lasy ź vialikaj kolkaściu miortvaj draŭniny na roznych stadyjach raskładańnia — heta sapraŭdny prytułak dla takoha redkaha i kapryznaha hościa. Addaje pieravahu raści hierycyj na dubie abo hrabie, časam sustrakajecca i na asłablenych, jašče žyvych drevach.
Ciapier čytajuć
Dziejačy emihracyi pasvarylisia z nahody śpisaŭ zaprošanych na pryjom da prezidenta Polščy73
Dziejačy emihracyi pasvarylisia z nahody śpisaŭ zaprošanych na pryjom da prezidenta Polščy
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach1515
Kamientary
Ŭsio roŭna durniem pamreš . Šmat razoŭ bačeŭ taki ŭ lesie . Kab viedaŭ što taki redki źviarnuŭ b bolš ŭvahi , sfatahrafaŭ . Chacia bačyŭ i bolš dziŭnyja . Ružovyja , byccam ź siaredziny kavuna . I śmiardziać ztuchłym )