Litoŭskamu siabru Ksienii Lebiedzievaj dali dzieviać hadoŭ turmy za špijanaž na karyść biełaruskaha KDB
Sud u Vilni pryznaŭ jaho vinavatym u špijanažy na karyść KDB Biełarusi, piša Radyjo Svaboda.
20 vieraśnia Vilenski akruhovy sud vynies vyrak jurystu Mantasu Danielusu, jaki z 2022 hoda źbiraŭ infarmacyju dla biełaruskich śpiecsłužbaŭ, u asnoŭnym pra aktyvistaŭ, jakija žyvuć u Litvie, i pieradavaŭ źviestki prapahandystcy Ksienii Lebiedzievaj.
Mantasa Danielusa zatrymali ŭ Litvie 28 vieraśnia 2022 hodu pry sprobie ŭciačy ŭ Biełaruś.
Danielusa pryznali vinavatym nie tolki ŭ špijanažy, a i ŭ sprobach upłyvać na śviedak — kali jaho vyzvalili z-pad aryštu da sudu, jon napisaŭ adnamu ź ich, što «vostryć siakieru». Paśla čaho litoŭca znoŭ aryštavali.
Abvinavačańnie pryjšło da vysnovy, što biełaruskaja prapahandystka Ksienija Lebiedzieva instruktavała Danielusa, jakuju infarmacyju źbirać: jaje najbolš cikavili biełaruskija arhanizacyi ŭ Litvie, ludzi, jakija ŭciakali ź Biełarusi ad pieraśledu i jakija dapamahali im uciakać, šlachi ich evakuacyi, vučeńni dobraachvotnikaŭ pałka imia Kalinoŭskaha, ich uzbrajeńnie i łancuhi pastavak.
Danielus zmoh uvajści ŭ davier da biełaruskich arhanizacyjaŭ i prapanoŭvaŭ im jurydyčnuju dapamohu, ale jahonyja pytańni pačali vyklikać padazreńni.
Raniej u apošnim słovie litoviec paprasiŭ sud apraŭdać jaho i źviarnuŭ uvahu prakurora na pakazańni niekatorych śviedak, jakija jon nazvaŭ łžyvymi. Danielus taksama zajaviŭ, što nie pahražaŭ śviedku, a vykazaŭ niezadavalnieńnie pazycyjaj biełaruskich aktyvistaŭ.
Prakuror zapatrabavaŭ asudzić Danielusa na 11 hadoŭ pazbaŭleńnia voli. Sudovy razhlad spravy adbyvaŭsia za začynienymi dźviaryma, ale prysud byŭ adkryty.
Raniej Danielusa sudzili pa padazreńni ŭ falsifikacyi dakumientaŭ.
Hałyhina prymusili apraŭdvacca za zvarot da siłavikoŭ u 2020-m14
Hałyhina prymusili apraŭdvacca za zvarot da siłavikoŭ u 2020-m
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary