Volzie Harbunovaj zavočna mianiajuć abmiežavańnie voli na kałoniju
25 vieraśnia ŭ sudzie Maskoŭskaha rajona Minska Viktoryja Baranava budzie razhladać spravu Volhi Harbunovaj adnosna «zamieny abmiežavańnia voli biez nakiravańnia ŭ papraŭčuju ŭstanovu adkrytaha typu», piša «Viasna».
Volha — aktyvistka, byłaja kiraŭnica arhanizacyi «Radzisłava», jakaja dapamahaje žančynam, paciarpiełym ad chatniaha hvałtu. Jaje zatrymali 9 listapada 2021 hoda i zaviali spravu pavodle art. 342 (arhanizacyja albo aktyŭny ŭdzieł u hrupavych dziejańniach, jakija hruba parušajuć hramadski paradak).
Paźniej Volzie prysudzili try hady «chatniaj chimii». Aktyvistku adpuścili z-pad varty ŭ zale suda, paśla čaho jana pakinuła Biełaruś.
Paśla Volha Harbunova była pradstaŭnicaj Abjadnanaha pierachodnaha kabinieta pa sacyjalnych pytańniach. Dniami stała viadoma, što jašče 2 žniŭnia jana pajšła z hetaj pasady ŭ adstaŭku. Paśla taho ŭ intervju «Radyjo Svaboda» jana vykazałasia pra apošnija pamiłavańni, ukazy pra jakija padpisaŭ Łukašenka:
«Byli represii, represii, represii, potym takoje płato, i raptam ludzi pačali vychodzić. Ja liču, što heta imknieńnie da humannaści, heta sproba vykarystać instrumienty, jakija mohuć dapamahčy ludziam vyjści, a nie pamirać u kałonijach. Kali b stała pytańnie, źviazanaje z padziakaj, to ja praŭda vielmi ŭdziačnaja, što była abranaja mienavita takaja stratehija, a nie zhnaić ludziej za kratami».
Harbunova: «A Palina Šarenda-Panasiuk? Dziela čaho hetaja baraćba? Jana biessensoŭnaja»
Harbunova: «Nie mužčynam, jakija źjechali ŭ 2020-m, raskazvać mnie pra represii i katavańni»
Volha Harbunova pakinuła pasadu pradstaŭnicy pa sacyjalnaj palitycy Abjadnanaha pierachodnaha kabinieta
Volha Harbunova nazvała vyzvaleńnie palitviaźniaŭ «vielmi važnym krokam humannaści»
Ciapier čytajuć
Biedny, rasčaravany — asabliva ŭ rodnych — i nikomu niepatrebny. Zły dziońnik Baradulina dazvalaje zazirnuć unutr hienija17
Kamientary
Ci zrazumieje?