ZŠA pieradajuć Kijevu płaniornyja bomby JSOW — ale jany takoj małoj dalokaści, što mała što źmieniać

Rasija vykarystoŭvaje płaniornyja bomby — i ŭkraincy nie mieli što im supraćpastavić. 

Jak piša Reuters, prezident ZŠA Džo Bajden zajaviŭ ab vydzialeńni Ukrainie vajennaj dapamohi na 8 miljardaŭ dołaraŭ. Asnoŭnaja častka — 5,5 miljarda dołaraŭ — pavinna być vydzielena da kanca vieraśnia, kali ŭ ZŠA zakančvajecca finansavy hod.

Jašče 2,4 miljarda dołaraŭ vydzielenyja ŭ ramkach Inicyjatyvy sadziejničańnia biaśpiecy Ukrainy, jakaja dazvalaje administracyi kuplać zbroju dla Ukrainy ŭ kampanij, a nie zabirać jaje z zapasaŭ ZŠA.

Siarod inšaha Ukraina atrymaje ad ZŠA pieršuju partyju kiravanych bojeprypasaŭ Joint Standoff Weapon (JSOW) dla naniasieńnia dalnabojnych udaraŭ.

JSOW heta vysokadakładnaja taktyčnaja płaniernaja bomba z dalnaściu palotu pry vyšynnym zapusku z samalota-nośbita da 130 kiłamietraŭ. Ale kali jaje skidajuć z małoj vyšyni, to dalnaść źnižajecca da 22 kiłamietraŭ. Miž tym va ŭmovach daminavańnia rasijskaj avijacyi tolki z małoj vyšyni i mohuć dziejničać ukrainskija piłoty.

Bomba maje daŭžyniu 4,06 mietra i dyjamietr 33 santymietry. Jaje vaha składaje 483 kiłahramy, a razmach kryła 2,7 mietra.

Paviedamlajecca, što JSOW vykanana pa technałohii stełs, što robić jaje bolš ustojlivaj da vyjaŭleńnia sistemami REB praciŭnika. Bomba vykarystoŭvaje GPS-navihacyju i inercyjnuju sistemu kiravańnia dla dakładnaha paražeńnia celaŭ na sušy i ŭ mory.

Avijabomba maje niekalki varyjantaŭ i moža być skinuta z roznych typaŭ bajavych samalotaŭ, siarod jakich i pastaŭlenyja Ukrainie źniščalniki F-16.

Jak adznačaje vydańnie Defense Express, Ukraina atrymaje madyfikacyju AGM-154 JSOW. Tolki jana maje kasietnuju bojehałoŭku, jakaja niasie 145 subbojeprypasaŭ BLU-97/B, jakija važać pa 1,5 kiłahrama kožny i vałodajuć sukupnym kumulatyŭnym i detrytavym efiektam.

efiekt ad raspaŭsiudžvańnia reštkaŭ i abłomkaŭ paśla vybuchu

Akramia hetaha, paviedamlajecca, što Ministerstva abarony ZŠA adramantuje i pieradaść Ukrainie dadatkovuju sistemu supraćpavietranaj abarony Patriot, a taksama dadatkovyja rakiety da hetaj sistemy.

Taksama Bajden zahadaŭ Pientahonu pavialičyć padrychtoŭku ŭkrainskich piłotaŭ na samalotach F-16, u tym liku padrychtavać jašče 18 piłotaŭ u nastupnym hodzie.

Takim čynam, ZŠA pa-raniejšamu admaŭlajucca pieradavać Ukrainie takuju zbroju, jakaja b dała pieravahu na poli boju. Dajuć toje, čym možna adbivacca, a nie nastupać.

• 1
• 0
• 1
• 10
• 1
• 8
• 1
• 0