Biełarusy pakazali ŭ tyktoku, jak źbirajuć na aharodzie ŭradžaj arachisu
Žychary Stolinskaha rajona vykłali ŭ tyktoku videa, na jakim pakazali svoj pieršy ŭradžaj arachisu, vyraščany na ŭłasnym aharodzie, zaŭvažyŭ Telegraf.news. Vyśvietliłasia, što ziemlany arech całkam prydatny dla vyroščvańnia va ŭmovach paciaplełaha ŭ apošnija hady biełaruskaha klimatu.
Haspadary aharoda pakazali, jak vykopvajuć saśpieły arachis, papiarednie padkapaŭšy kusty, padobna da taho, jak heta robiać z morkvaj ci bulbaj, kab «ničoha nie zastałosia ŭ ziamli». Paśla hetaha dastatkova prosta paciahnuć kust uvierch — i na pavierchni źjaŭlajecca važkaja porcyja ziemlanych baboŭ.
@chickens_village #uborkaarachisa#arachis#arachisvbiełarusi#urožaj2024#urožajarachisa#łajfchak#stolin#biełaruś#ohromnyjurožaj#nieožidali#riekomiendacii#riek ♬ Paris - Else
Dla mnohich hledačoŭ stała niečakanaściu toje, što arachis raście ŭ ziamli, bo niekatoryja ličyli, što, jak i bolšaść arechaŭ, jon pavinien raści na drevach.
Ale nasamreč arachis nijaki nie arech — heta sielskahaspadarčaja kultura ź siamiejstva babovych.
Miarkujučy pa sotniach kamientaroŭ, ideja vyroščvać arachis na ŭłasnym aharodzie zacikaviła mnohich. Aŭtaram zadavali šmat praktyčnych pytańniaŭ: dzie kupić nasieńnie, kali i jak sadzić, jak dahladać raślinu.
Pa słovach aŭtaraŭ videa, nasieńniem ź imi padzialiłasia znajomaja, jakaja vyroščvaje arachis u Biełarusi nie pieršy hod, a sama kultura akazałasia niepatrabavalnaj u dohladzie.
«Prosta treba čaściej jaho abhaniać», — rastłumačyŭ mužčyna, vykopvajučy čarhovy kust arachisu.
U kamientaryjach ludzi achvotna dzialilisia ŭłasnym dośviedam, adznačajučy, što možna vyraścić arachis navat z taho, jaki pradajecca ŭ kramach na vahu, hałoŭnaje — vybirać nie pražanyja baby.
Niekatoryja pastavili pad sumnieŭ vyhadnaść hetaj zadumy. Adnak na pramoje pytańnie adnaho z hledačoŭ «A ci vyhadna heta?», aŭtary videa adkazali, što nie zaŭsiody treba šukać vyhadu va ŭsim, bo «časam cikavaść pieravažaje».
Radzimaj arachisu źjaŭlajecca Paŭdniovaja Amieryka, tamu bolšaść jaho raznavidnaściaŭ rastuć u haračym klimacie. Adnak užo vyvieli sarty, adaptavanyja da ŭmieranych šyrot, i ŭ biełaruskim klimacie hetaja raślina adčuvaje siabie vydatna. Dla adaptavanych sartoŭ dastatkova tempieratury ŭ 20-25°C.
«Raz — i zachodziš čystym». Minčuki pakazali samarobnuju pryładu, jakaja dapamahaje pazbavicca ad brudu pierad uvachodam u padjezd
Navukoŭcy z Akademii navuk zaklikali biełarusaŭ iści prosta da ich, kali niedzie vyvudziać adnu rybinu
Biełaruska znajšła ŭ lesie redki «hryb-vasilok». Što za jon?
Biełaruski błohier u samy skvar pasprabavaŭ pasmažyć jajki prosta na asfalcie. Ci atrymałasia?
Ciapier čytajuć
Hałyhina prymusili apraŭdvacca za zvarot da siłavikoŭ u 2020-m2
Hałyhina prymusili apraŭdvacca za zvarot da siłavikoŭ u 2020-m
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary