Na rybałcy ŭ niadzielu połačanin Alaksandr Ščarbakoŭ niečakana zamiest čakanaha lašča złaviŭ na fidar čarapachu, pryčym davoli bujnuju. Vyciahnuć padobnuju «rybinu» akazałasia zusim nie prosta, piša Fishingby.com.
«Zachodniaja Dźvina. Takoha ja jašče nie łaviŭ. Uziała na fidar, na dva aparyšy. Nie słaba ździviŭsia, kali vyciahnuŭ hety cud na bierah», — raskazaŭ Alaksandr.
Pojmanaja rybałovam istota akazałasia čyrvanavuchaj čarapachaj — zusim nietypovym dla biełaruskich vadajomaŭ pradstaŭnikom kłasa paŭzunoŭ, radzimaj jakoha źjaŭlajecca Paŭnočnaja Amieryka. Raniej hety vid čarapach u Biełarusi karystaŭsia papularnaściu ŭ amataraŭ tieraryumaŭ, ale z-za ich praniknieńnia ŭ biełaruskuju pryrodu jaho pryznali invaziŭnym.
Ciaham letniaha siezona 2024 hoda čyrvanavuchich čarapach nieadnarazova łavili ŭ Bresckaj i Minskaj abłaściach, ale na Dźvinie, jak śćviardžajecca, heta adznačajecca ŭpieršyniu.
Ciapier čytajuć
Što viadoma pra byłoha palitviaźnia Sakałoŭskaha, jaki pamior u Bierlinie ŭ 47 hadoŭ1
Kamientary