Ekanomika11

Biełaruskija kurcy mohuć zastacca biez Camel i Monte Carlo

Adna z najbolšych tytuniovych karparacyj śvietu, japonskaja JT International, i jaje brytanskaja dačka Gallaher Group razarvali licenzijnyja pahadnieńni z kampanijaj «Tytuń-Inviest». U adpaviednaści ź imi na praciahu mnohich hadoŭ u Biełarusi vypuskalisia i pradavalisia cyharety pad markami Winston, Camel, Sobranie i Monte Carlo, piša partał «Biełorusy i rynok».

Fota ilustracyjnaje

Zhodna ź infarmacyjaj, raźmieščanaj na sajcie Nacyjanalnaha centra intelektualnaj ułasnaści, abodva dakumienty stracili lehitymnaść jašče ŭ mai hetaha hoda. Licenzijnaje pahadnieńnie JT International z «Tytuń-Inviest» dziejničała z 2008 hoda, a z Gallaher Group — z 2013 hoda.

U biełaruskim ofisie «Džapan Tabaka Internešnł EsEndDzi» paćvierdzili partału «Biełorusy i rynok» fakt, što pahadnieńni spynili svajo dziejańnie.

Najaŭnaść cyharet brendaŭ karparacyi ŭ štomiesiačnych pieralikach, jakija publikuje Ministerstva pa padatkach i zborach Biełarusi pa zajaŭlenych vytvorcami i imparciorami tytuniu maksimalnych roźničnych cenach, u ofisie patłumačyli patrabavańniami biełaruskaha zakanadaŭstva.

Zhodna ź im, hetyja danyja mohuć znachodzicca na sajcie Ministerstva pa padatkach i zborach na praciahu troch hadoŭ paśla zakančeńnia hoda, u jakim jany byli zajaŭlenyja abo źmienienyja. Pry hetym reštki ŭ roźnicy pieraaceńvajucca. Heta pryviało da taho, što ŭ žniŭni «Tytuń-Inviest», užo paśla razarvańnia licenzijnaha pahadnieńnia, pavysiŭ ceny na reštki zapasaŭ cyharet Camel, jakija zastavalisia na składach kram.

Pryčyny razarvańnia pahadnieńniaŭ nie nazyvajucca. Adnak viadoma, što ŭ śniežni 2023 hoda kampanija «Tytuń-Inviest» i jaje saŭładalniki Pavieł Tapuzidzis i Viktor Piatrovič trapili pad sankcyi Minfina ZŠA. Amierykanskaje viedamstva vyznačyła termin zavieršańnia ździełak ź biełaruskim vytvorcam da 2 lutaha 2024 hoda.

Cikava, što ŭ Rasii, paśla doŭhich razvažańniaŭ, JTI zastałasia. Spačatku ŭ sakaviku 2022 hoda Japan Tobacco abjaviła, što prypyniaje ŭ Rasii novyja inviestycyi ŭ svaje 4 fabryki na miascovym rynku i markietynhavuju dziejnaść. Ale ŭ listapadzie 2023 hoda było abjaŭlena, što kiraŭnictvam karparacyi pryniata rašeńnie, zachoŭvajučy ŭsie praviły rehulavańnia (jak mižnarodnyja, tak i rasijskija), praciahnuć svoj biznes.

Na dumku ekśpiertaŭ «Biełorusy i rynok», nie vyklučany varyjant, što brendy JTI ciapier buduć zavozić u Biełaruś z Rasii. Abo budzie padpisana licenzijnaje pahadnieńnie ź inšym vytvorcam, jaki «čysty» z punktu hledžańnia mižnarodnych sankcyj. 

Fabryka «Tytuń-Inviest» była dla JT International hałoŭnaj placoŭkaj u Biełarusi, dzie vypuskalisia jaje brendy. Historyja ž japonskaj karparacyi ŭ našaj krainie pačałasia 25 hadoŭ tamu.

U 1999 hodzie JT International pahłynuła amierykanskuju kampaniju R. J. Reynolds, razam ź jakoj joj dastałasia ŭžo najaŭnaja z kanca 1990-ch dola na biełaruskim tytuniovym rynku. R. J. Reynolds zabiaśpiečyła jaje dziakujučy papularnaści svaich brendaŭ Magna i Monte-Carlo.

JT International stała pieršym z bujnych suśvietnych tytuniovych hulcoŭ, jaki łakalizavaŭ vytvorčaść svaich brendaŭ na terytoryi Biełarusi. Heta adbyłosia ŭ 2005 hodzie, kali na mahutnaściach «Tytuń-Inviest» była zapuščanaja licenzijnaja vytvorčaść cyharet Monte Carlo i Magna. U 2006-2007 hadach tam ža pačali vypuskać biełaruskija Winston i Camel.

U 2008 hodzie JT International zarehistravała daččynuju kampaniju ŭ Biełarusi — «Džapan Tabaka Intiernešnł EsEndDzi».

Kamientary1

  • Bamža
    01.10.2024
    Budziem kuryć Karonu i Fest!

Ciapier čytajuć

28‑hadovy biełarus pajechaŭ u Rasiju i ažaniŭsia. Adrazu zavierbavaŭsia na vajnu, pavajavaŭ miesiac — i zahinuŭ4

28‑hadovy biełarus pajechaŭ u Rasiju i ažaniŭsia. Adrazu zavierbavaŭsia na vajnu, pavajavaŭ miesiac — i zahinuŭ

Usie naviny →
Usie naviny

U Minharvykankamie raskazali, dzie ŭ stalicy jašče buduć budavać novaje žyllo1

Usiebiełaruski narodny schod projdzie 18‑19 śniežnia10

Siarhiej Cichanoŭski sustreŭsia ź Ivonkaj Surviłaj FOTAFAKT36

Pad Homielem pačynajuć budaŭnictva najbujniejšych u Biełarusi mohiłak6

U Ispanii padčas pieravozki na vystavu tajamniča źnikła karcina Pabła Pikasa6

«My ŭ 25 razoŭ bolšyja». Hiensak NATA zaklikaŭ nie pierabolšvać vajskovy patencyjał Pucina20

Biełaruski pasoł raskazaŭ, što čuvać pra biełarusku, jakaja źnikła ŭ Mjanmie1

«Ja trymaŭsia, sprabavaŭ jaho supakoić». U Šviejcaryi biełarus abaraniŭ siamju ad ahresiŭnaha ruskamoŭnaha pasažyra ŭ ciahniku38

Mitrapalit Stanieŭski pieradaŭ Papu aficyjnaje zaprašeńnie naviedać Biełaruś2

bolš čytanych navin
bolš łajkanych navin

28‑hadovy biełarus pajechaŭ u Rasiju i ažaniŭsia. Adrazu zavierbavaŭsia na vajnu, pavajavaŭ miesiac — i zahinuŭ4

28‑hadovy biełarus pajechaŭ u Rasiju i ažaniŭsia. Adrazu zavierbavaŭsia na vajnu, pavajavaŭ miesiac — i zahinuŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić