Hramadstva1010

Čamu ŭ Haazie nie buduć rasśledavać katavańni i zabojstvy ŭ Biełarusi? Tłumačyć Łatuška i deputat Jeŭraparłamienta ad Litvy

«Biehłyja», «vostrakapytnyja», «niełajalnyja». Usia heta terminałohija — padarunak nam u kantekście kryminalnaj spravy», — kaža Pavieł Łatuška.

Fota: Evgenia Novozhenina/Pool Photo via AP

U materyjałach, jakija ŭrad Litvy pieradaŭ u Ofis prakurora Mižnarodnaha suda ŭ Haazie, znachodziacca tolki fakty ab transhraničnych złačynstvach režymu Łukašenki. Tam nie zhadvajucca zabojstvy ŭ 2020-m hodzie Hienadzia Šutava, Alaksandra Tarajkoŭskaha, Ramana Bandarenki, katavańni biełarusaŭ, ździeki i hvałt ź ich u turmach. Čamu tak?

Jak patłumačyŭ Pavieł Łatuška ŭ intervju «Biełsatu», va ŭmovach, kali Biełaruś nie źjaŭlajecca členam Mižnarodnaha kryminalnaha sudu, jurysty zmahli znajści takoje pravavoje rašeńnie, jakoje daje padstavy da razhladu spravy ŭ MKS. Jano atrymała stanoŭčuju acenku ministerstva justycyi Litvy i mižnarodnych ekśpiertaŭ:

«Łukašenka nikoli nie chacieŭ padpisać Rymski statut, nikoli nie chacieŭ, kab Biełaruś była členam Mižnarodnaha kryminalnaha sudu. Bo jon razumieŭ, što adkaznaść pryjdzie, i hety instrumient moža być vykarystany suprać jaho. Jakim čynam tady raspaŭsiudzić jurysdykcyju Mižnarodnaha kryminalnaha sudu? Rašeńnie było znojdziena. [Heta] rašeńnie ab transhraničnaści hetych złačynstvaŭ. Kali častka złačynstvaŭ ździajśniajecca ŭ tym liku na terytoryi krainy, jakaja źjaŭlajecca siabram Mižnarodnaha kryminalnaha suda».

Materyjały ab złačynstvach režymu možna padzialić na niekalki błokaŭ.

Pa słovach Łatuški, pieršy ź ich taki: «Na terytoryi Biełarusi stvarajecca atmaśfiera hvałtu, represij, šoku. Kali biełarusy vymušany ŭciakać z krainy, kali jany departujucca z terytoryi Biełarusi. U suviazi z hetym sotni tysiač biełarusaŭ stali achviarami departacyi».

Druhim aśpiektam źjaŭlajecca pieraśled biełarusaŭ paśla ich vyjezdu: «Nas usich pačali nazyvać [abraźliva]: Łukašenka — «biehłyja», Karpiankoŭ — «vostrakapytnyja», «niełajalnyja». Usia heta terminałohija — padarunak nam u kantekście kryminalnaj spravy. Chaču skazać «dziakuj» Łukašenku za toje, što jon nazvaŭ tak biełarusaŭ. Bo heta padkreślivaje, što my ŭ ich vačach katehoryja niajakasnaja, niepatrebnaja dla dziaržavy. Heta hrupa ludziej, jakich jany pieraśledujuć mientalna».

Łatuška śćviardžaje, što prablema fizičnaha pieraśledu, zabojstvaŭ, palityčna matyvavanych prysudaŭ, biespadstaŭnych zatrymańniaŭ «uličvajecca ŭ kantekście». Ale pryciahnuć za takija złačynstvy da adkaznaści i raspaŭsiudzić na ich jurysdykcyju MKS možna tolki ŭ tym vypadku, kali jany ździajśniajucca «ŭ tym liku na terytoryi krainy, jakaja naležyć Mižnarodnamu kryminalnamu sudu. Heta Litva».

Deputat Jeŭrapiejskaha parłamienta ad Litvy Dajnius Žalimas (Dainius Žalimas) na svajoj staroncy ŭ fejsbuku tłumačyć, što «departacyi (razam ź pieraśledam pa palityčnych ci nacyjanalnych pryčynach), jakija praduhledžvajuć vymušany adjezd ludziej z krainy z-za strachu pieraśledu», — «vuzkaje akno dla jurysdykcyi Mižnarodnaha kryminalnaha suda».

«Z takimi złačynstvami mohuć źviartacca ŭ Mižnarodny kryminalny sud i krainy-ŭdzielnicy Rymskaha statutu, u jakoj uźnikajuć ich nastupstvy. I Litva — mienavita takaja kraina Rymskaha statutu, bo my prytulili šmat biełarusaŭ, jakija ŭciakli ad režymu Łukašenki», — piša Žalimas.

Jeŭradeputat padkreślivaje, što ŭ zvarocie razhladajucca nie ŭsie złačynstvy režymu Łukašenki, a tolki departacyi i źviazany ź imi pieraśled. Zajaŭka Litvy ŭ Mižnarodny kryminalny sud nie aznačaje aŭtamatyčna, što jon abaviazkova pačnie rasśledavańnie i budzie pieraśledavać Łukašenku. Prakuror Mižnarodnaha kryminalnaha suda razhledzić zvarot, a potym vyrašyć, ci pačać rasśledavańnie.

Žalimas taksama źviartaje ŭvahu na dźvie važnyja akaličnaści, źviazanyja z padačaj dakumientaŭ u MKS.

Pa-pieršaje, važna, kab prakuratura Litvy nie ŭspryniała zvarot u MKS jak pryčynu dla prypynieńnia svajho rasśledavańnia pa złačynstvach suprać čałaviečnaści na padstavie ŭniviersalnaj jurysdykcyi. MKS i prakuratura Litvy buduć dapaŭniać adno adnaho ŭ rasśledavańni, a nie kankuryravać.

«My budziem uvažliva sačyć, kab zvarot u MKS nie vykarystoŭvaŭsia jak pryčyna nie pryciahvać da adkaznaści dobra viadomych padazravanych u spravie, pačataj u Litvie na padstavie ŭniviersalnaj jurysdykcyi», — piša jeŭradeputat.

Pa-druhoje, Litva pakul dziejničaje adna. Polšča i Łatvija, choć i zakranutyja departacyjami biełarusaŭ, nie źviarnulisia ŭ MKS.

«Ja prykładu ŭsie namahańni, kab jany dałučylisia. Inšyja krainy taksama pavinny pačać spravy suprać Łukašenki, kali Jeŭropa choča pieramahčy dyktataraŭ», — zapeŭnivaje Žalimas.

Kamientary10

  • Symon
    02.10.2024
    Nahadaju, što spadar Žalimas - heta nia prosta deputat JEP, ale taksama i były (2014-2021) staršynia Kanstytucyjnaha suda Litoŭskaj Respubliki, to bok vielmi kvalifikavany, daśviedačany i pavažany juryst. Jašče ŭ časy pracy spadara Žalimasa KS ŁR kateharyčna admoviŭsia ad supracoŭnictva z butaforskim łukašenkaŭskim "kanstytucyjnym sudom" praz toje, što dziejnaść apošniaha nia mieła ničoha supolnaha z abaronaj kanstytucyjnych prav i svabod hramadzian.
  • "Były" Padłukašenka
    02.10.2024
    Vo spadar były Pałpałyč vydaje (pparafraz): karpiankoŭ abzyvajecca, padstava na haahu.
    Nu heta nahoda pakrucić pryhonnaha ŭ kanadzie, besesery, resefesery ci anhlii, dzie represujuć praź niedazłačynstva "movu varožaści" (kaniešnie abraza nie złačynstva) Ale na panoŭ i panskich civunoŭ chałopski kodeks nia dzieje, heta prosta niejkaja hańba, jak były pałpałyč kanalizuje antyłukašenkavyja nastroi.
    Ludcy, vam biudžetnych zmaharoŭ z režymam (tut redki vypadak, kali nacyjanał-sacyjalist dziaduś Ze maje hłuzdy) papryznačaŭ dziarždep i eŭrasavok (chutčej za ŭsio ŭ ck kp bssr zaćviardžali kandydatury, kali nie adtul prapanoŭvali) i vy śladkujecie ichaj imitacyi dziejnaści. Dziaduś Ze, zrešty, taki samy, kanał na jutubie biaz nažłukcicca nahbom sa skarbnicy ursr nia zdatny stvaryć (bo nichto nie hladziećmie, pili ŭ Odyna-arła mied, ale nia ź dziuby)

    Zrešty, sama ideja mižnarodnaha suda ŭ pazytyŭnym pravie biaz instrumentara enforsmentu - žalu varty anekdot (ŭ zvyčajnym pravie sud, nasuprać, nia maje patreby ŭ instrumentach prymusu: Xeer, vorovskaja schodka, Haračaja i Chałodnaja Kapa, marskoje prava). Na prakuroršaŭ z haahi, jakija da taho ŭ svaich afrykach sudzili praz čaraŭnictva, nie spadziavajciesia.
  • Staršynia Kanstytucyjnaha Suda
    02.10.2024
    Toje što ja pryznačany Apošnim Arbitramnia śviedčyć pra maju jurydyčnuju (prynamsi ŭ lepšy bok) kvalifikacyju, a tolki pra maju zručnaść Hałoŭnamu Načalniku. I voś ja zaraz były samy kazyrny prakoror ci tam jak na šyldzie bliščeła, niaistotna. Były ja nie tamu, što paabdziersia (jak Pałpałyč były ministar nie tamu, što śpievaŭ i skokaŭ razvučyŭsia), a bo Novamu Hałoŭnamu Načalniku nie taki zručny (źniaŭ i novaha pryznačyŭ, jak novy ministar śpievaskokaŭ ŭ beseseryi)

    A jak adroźnić tady kvalifikavanaha jurysta, jak nie pryznačaćmuć nam ich z hary?! Viedaju, karcić daznacca. I, pierakonvaju, heta nieskładana. Heta taki, da kaho vy ŭva ŭmovach adsutnaści licenzavańniaŭ i rahulacyjaŭ źviernieciesia samyja pa jurydyčny supravod. Ci nasupierak takim rahulacyjam.
    Naprykład, Evatał, kali vyjhraje pieršuju spravu pa vučobie ŭ Pratahora. Ci Łysandar Spuner jakich nasupierak zakonu biez vymahanaje adukacyi byŭ jurystam (i paštaljonam byŭ niezakonna, i vydatnym, treba zaŭvažyć). Abo z sučaśnikaŭ - niejki muryn, jaki advakatstvavaŭ biaz farmalnaje adukacyi i vyjhraŭ kolki tuzinaŭ spravaŭ, pakul nie pakrucili.

Ciapier čytajuć

Tehieran haryć. Izrailskija źniščalniki praciahvajuć udary, pakul SPA Irana biaśsilnaja16

Tehieran haryć. Izrailskija źniščalniki praciahvajuć udary, pakul SPA Irana biaśsilnaja

Usie naviny →
Usie naviny

Tramp vymušana spyniaje rejdy suprać imihrantaŭ u sielskaj haspadarcy i hatelnym biznesie3

Navukoŭcy znajšli prosty sposab paspryjać rostu raślin — muzyka, ale nie kožnaja20

Ryanair budzie štrafavać pasažyraŭ, jakija parušajuć paradak1

U Homieli 7 hadoŭ tamu pabudavali prybiralniu ledź nie za miljon dalaraŭ. Jak u joj ciapier?4

U Dubai zahareŭsia 67-paviarchovy chmaračos3

Što moža čakać tych, kaho buduć sudzić pa spravie «Biełaruskaha Hajuna»?

Łukašenka parekamiendavaŭ biełarusam nie nalahać na bulbu13

Izrailcianam prychodziać špijonskija paviedamleńni ad karespandentki ANT10

Usploski zakazaŭ picy kala Pientahona mahli śviedčyć pra budučuju ataku na Iran9

bolš čytanych navin
bolš łajkanych navin

Tehieran haryć. Izrailskija źniščalniki praciahvajuć udary, pakul SPA Irana biaśsilnaja16

Tehieran haryć. Izrailskija źniščalniki praciahvajuć udary, pakul SPA Irana biaśsilnaja

Hałoŭnaje
Usie naviny →

Zaŭvaha:

 

 

 

 

Zakryć Paviedamić