Upieršyniu za doŭhi čas biełaruski kłub zhulaje ŭ asnoŭnym raŭndzie futbolnych jeŭrakubkaŭ
Minskaje «Dynama» siońnia startuje ŭ Lizie kanfierencyj — trecim pa značnaści futbolnym jeŭrakubku. Apošni raz biełaruskija kłuby brali ŭdzieł u jeŭravosieni šeść hadoŭ tamu.
Minskaje «Dynama» siońnia startuje ŭ asnoŭnym raŭndzie Lihi kanfierencyj — trecim pa značnaści futbolnym jeŭrakubku. Kłub pačynaŭ letniuju kvalifikacyju ŭ Lizie čempijonaŭ, ale zdoleŭ zastacca ŭ Lizie kanfierencyj.
U hetym siezonie jeŭrakubki — Lihi čempijonaŭ, Liha Jeŭropy, Liha kanfierencyj — razyhryvajucca pa novaj sistemie. Niama zvykłaha padziełu na hrupy. Kamandy atrymali supiernikaŭ, i ŭ Lizie kanfierencyj praviaduć šeść matčaŭ: try doma, try na vyjeździe, a potym budzie sfarmavanaja ahulnaja tablica z 36 kłubaŭ, i tolki zatym vyznačana, chto vyjdzie ŭ płej-of.
«Dynama» atrymała ŭ supierniki šatłandski «Charts», dacki «Kapienhahien», finski CHIK, polskuju «Lehiju», hrecki «Panacinaikas» i paŭnočnairłandski «Łarn».
Paśla ŭvarvańnia Rasii va Ukrainu z vykarystańniem biełaruskaj terytoryi na biełaruski futboł byli nakładzienyja minimalnyja sankcyi, i ciapier matčy kłuby i zbornyja pravodziać na niejtralnaj terytoryi biez prysutnaści zaŭziataraŭ. «Dynama» budzie hulać chatnija pajadynki ŭ azierbajdžanskim Sumhaicie.
Siońnia «Dynama» i zhulaje tam z šatłandskim «Chartsam». Pačatak hulni ŭ 19:45. Matčy abiacaje pakazvać STB.
3 kastryčnika. Dynama (Minsk) — Charts (Šatłandyja) (pačatak 19:45)
24 kastryčnika. CHIK (Finlandyja) — Dynama (Minsk) (22:00)
7 listapada. Lehija (Polšča) — Dynama (Minsk) (20:45)
28 listapada. Dynama (Minsk) — Kapienhahien (Danija) (20: 45)
12 śniežnia. Dynama (Minsk) — Łarn (Paŭnočnaja Irłandyja) (20: 45)
19 śniežnia. Panacinaikas (Hrecyja) — Dynama (Minsk) (23:00).
Apošni raz biełaruskija kłuby hulali ŭ asnoŭnym raŭndzie jeŭrakubkaŭ uvosień 2018 hoda. Tady barysaŭski BATE vystupaŭ u hrupavym turniry Lihi Jeŭropy.
Alimpijski čempijon Aramnaŭ: Nam vyhadnaja praciahłaja vajna, i Vova dy Saša ŭ joj pieramohuć14
Kamientary