Izrail atakavaŭ rasijskuju avijabazu ŭ Siryi. Tam znachodziłasia zbroja dla «Chiezbały»
Pa infarmacyi krynic vydańnia Bild i vidavočcaŭ, Izrail unačy nanios sieryju bombavych udaraŭ pa adzinaj u Siryi rasijskaj avijabazie Chmiejmim, kab źniščyć partyju iranskaj zbroi, jakaja pryznačałasia livanskaj «Chiezbale».
Minułaj nočču pobač z adzinaj rasijskaj avijabazaj u Siryi prahrymieła sieryja mahutnych vybuchaŭ. Takim čynam Izrail sprabavaŭ źniščyć partyju iranskaj zbroi, jakuju płanavali dastavić bajevikam «Chiezbały» praz rasijskuju bazu, paviedamlaje vydańnie Bild.
Na fatahrafijach i videa, źniatych vidavočcami ŭ siryjskim horadzie Džebła, byli bačnyja mahutnyja vybuchi z boku rasijskaj avijabazy Chmiejmim, jakaja znachodzicca za piać kiłamietraŭ ad horada. Praź niekatory čas paśla sieryi vybuchaŭ členy ruchu «Chiezbała» i siryjskija žurnalisty paviedamili, što samaloty Izraila atakavali rasijskuju bazu.
«Izrailskaja ataka była nakiravana na skład unutry rasijskaj bazy Chmiejmim. Izrail razbambiŭ bazu praz hadzinu paśla prybyćcia na jaje iranskaha samalota hruzavoj avijakampanii Qeshm Fars Air», — napisaŭ žurnalist siryjskaj teleradyjokampanii Syria TV Abdułła al-Musa, pieradaje Bild.
Pa infarmacyi adnoj z krynic vydańnia, iranski samalot prylataŭ na rasijskuju bazu a 10-j ranicy ŭ sieradu i pakinuŭ aeradrom a 5-j hadzinie viečara, za vosiem hadzin da načnych atak Izraila. Pryčynaj napadaŭ staŭ hruz, jaki pieravoziŭsia pad vyhladam humanitarnaj dapamohi dla livancaŭ.
Ale pa inšych źviestkach, iranskaja zbroja mahła być źniščana za 700 mietraŭ ad rasijskaj bazy, dzie jana zachoŭvałasia paśla dastaŭki iranskim samalotam. Rasija pry hetym sprabavała źbić izrailskija rakiety, ale biespaśpiachova.
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka8
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii3434
Kamientary