14 žniŭnia hrodzieniec zaŭvažyŭ u niebie jaskravuju ŭspyšku. Niekatoryja miedyja napisali, što heta mieteor. Onliner razabraŭsia, što heta było nasamreč.
«Raptam na niebie źjaviŭsia jaskravy abjekt, jaki vielmi chutka źnižaŭsia. Skazać, što ja ździviŭsia, ničoha nie skazać», — raskazaŭ čytač vydańnia Newgrodno.
Onliner źviarnuŭsia da papularyzatara astranomii Viktara Małyščyca. Jon adznačyŭ, što vykarystoŭvać słova «mietearyt» tut nie zusim pravilna, bo mietearyt — heta cieła, jakoje da kanca nie zhareła i ŭpała na Ziamlu. Pa jaho słovach, u hrodzienskim niebie byŭ balid.
«Balid — heta vielmi jarki mieteor, a mieteor — heta śvietłaja źjava, jakaja nazirajecca pry zharańni kaśmičnych «pryšelcaŭ» u ziamli atmaśfiernaj. (…)
Tut ciažka mierkavać, ci zastałosia što ad hetaha balida, ale padčas apošniaj uspyški mahło ŭtvarycca niekalki frahmientaŭ, častka ź jakich i dabrałasia da ziamnoj pavierchni. Chacia, naprykład, balid, paśla jakoha znajšli znakamity mietearyt «Smalavičy», byŭ našmat jarčejšym», — skazaŭ Mališčyc.
Zahadčyk Minskaha płanietaryja Alaksandr Mikulič raspavioŭ žurnalistam, što hety balid zafiksavali try kamiery biełaruskaj mieteornaj sietki. Mieteor pralacieŭ nad terytoryjaj Ukrainy. Pa pamierach kaśmičnaje cieła nievialikaje — mienš mietearyta «Smalavičy», jaki ŭpaŭ u Biełarusi ŭ kancy śniežnia.
-
Antanina Kanavałava raskazała, jak jaje prymušali padpisać prašeńnie pra pamiłavańnie
-
«Ja pieršamajskaje bydła i limita, bazaru nul. Ale blizki da centra pryniaćcia rašeńniaŭ». Što Tur piša pad psieŭdanimam u «ekstremisckim» čacie
-
«Chapaj jaje za azadak, zaciahni ŭ tualet». U Varšavie zajavili ŭ prakuraturu na pikap-treniera ź Biełarusi Aleksa Leśli
Ciapier čytajuć
«Ja pieršamajskaje bydła i limita, bazaru nul. Ale blizki da centra pryniaćcia rašeńniaŭ». Što Tur piša pad psieŭdanimam u «ekstremisckim» čacie19
Kamientary