Rasijskija i łukašenkaŭskija kanały raspaŭsiudzili dva fejki pra sustreču ŭ Biełym domie. Pakazalna, jakija
Dla stvareńnia fejka byŭ vykarystany prymityŭny štučny intelekt, ale kanały biełaruskich siłavikoŭ i na jaho kupilisia.
Fejkavaje fota jeŭrapiejskich lidaraŭ, jakija nibyta čakali ŭ kalidory Biełaha doma, apublikavała mnostva rasijskich i łukašenkaŭskich kanałaŭ. Voś jano, da prykładu, u adnym z kanałaŭ, jakija źviazvajuć ź Minabarony Biełarusi:
A heta toje samaje fota ŭ kanale «Biełorusskij siłovik», jaki, imavierna, źviazany z HUBAZiKam.
Miž tym jano vyrablenaje z dapamohaj štučnaha intelektu, što kidajecca ŭ vočy.
I jašče adzin fejk datyčyŭ praciahu padtrymki Ukrainy.
«Siońnia albo budzie pahadnieńnie, albo nie. Kali nie, to padtrymka Ukrainy spyniajecca», — Tramp». Taki zahałovak prajšoŭ pa ŭsich Z-kanałach, u tym liku i pa biełaruskich kanałach, jakija pracujuć na Maskvu. Voś skrynšot z taho samaha «Biełorusskoho siłovika»:
Nasamreč, Tramp takoha nie kazaŭ.
Tam było pytańnie takoje: «Kali siońnia ździełki nie budzie, padtrymka Ukrainie spynicca?», na što Tramp adkazaŭ u svaim typovym styli: «Ja nie mahu vam hetaha skazać».
Padtrymka Ukrainy nasamreč praciahvajecca, a Rasija praktyčna nie maje pośpiechu na poli boja.
Astatnija akcenty rasijskich kanałaŭ byli tradycyjnymi. Tak, jany imknulisia stvaryć uražańnie, što Ukraina znachodzicca ŭ słabaj pazicyi, što Zialenski ŭ adčai, a Tramp pierajšoŭ na bok Rasii.
Takim čynam, rasijskija i łukašenkaŭskija ŚMI majuć ustanoŭku dyskredytavać Jeŭropu, padavać jaje słabaj i niesamastojnaj i stvarać u vačach rasijan iluziju, što padtrymka Ukrainy voś-voś skončycca.
-
«Premija naležyć usim biełarusam, jakija praciahvajuć zmahacca». Cichanoŭskaja ŭznaharodžanaja niamieckaj premijaj, jakuju atrymlivaŭ Havieł
-
Ministerstva ŽKH nahadała, što nielha prychodzić z sabakami tudy, kudy lubić chadzić z Umkam Łukašenka
-
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy
Ciapier čytajuć
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy19
Kamientary