Śviet175175

Ukrainski deputat na forumie «dobrych ruskich»: Važna pieranosić vajnu ŭ Biełaruś

Na Forumie svabodnaj Rasii, jaki siońnia prachodzić u Vilni, prysutničaje deputat Viarchoŭnaj Rady Ukrainy Aleh Dunda, jaki padčas svajho vystupleńnia zhadaŭ pra Biełaruś, prytym zhadka hetaja była dastatkova aryhinalnaja: jon ličyć patrebnym pieranosić vajnu i na terytoryju Biełarusi. 

Aleh Dunda. Fota ź jaho fejsbuka

Aleh Dunda ličyć, što pieramahčy Rasiju pad ukrainskimi haradami Vuhladaram ci Pakroŭskam Ukrainie niemahčyma, bo heta pazicyjnaja vajna, padobnaja da toj, jakoj była Pieršaja suśvietnaja. I heta vajna na vyčarpańnie resursaŭ, u jakoj Ukraina Rasii sastupić, bo Maskva hatovaja kidać na heta ŭsie svaje resursy, a voś zachodnija sajuźniki Ukrainy nie hatovyja. 

U toj ža čas, na jahonuju dumku, bolš karysnyja apieracyi nakštałt toj, jakuju Ukraina praviała ŭ Kurskaj vobłaści, bo heta padryvaje rasijskuju centralizavanuju ŭładu, pakazvaje jaje niazdolnaść vyrašać prablemy. I praktyka praviadzieńnia padobnych apieracyj, ličyć deputat, musić być pašyranaja i na Biełaruś, bo tam jany, maŭlaŭ, buduć jašče bolš paśpiachovymi.

«Ja hłyboka ŭpeŭnieny, kali adnosna nievialikija padraździaleńni USU zojduć, biełaruskaje vojska składzie svaju zbroju. Heta navat nie ŭpeŭnienaść, heta viedańnie. A heta vialiki ŭdar pad dych Maskvie», — zajaviŭ deputat Aleh Dunda.

Paśla ŭ kamientary telekanału «Biełsat» Dunda patłumačyŭ svaju dumku bolš razhornuta. Jon zaznačyŭ, što kab pravieści ŭ Biełarusi takuju ž apieracyju, jak u Kurskaj vobłaści, treba, kab chtości «byŭ u abozie», kab niechta ź biełarusaŭ byŭ hatovy ŭziać na siabie ŭładu i kiravańnie terytoryjami:

«Prosta akupacyjnaja apieracyja nie maje sensu. Heta pavinna być sumiesnaja apieracyja z partniorami, z pradstaŭnikami biełaruskaj hramadskaści. […] Patrebien lidar, jaki budzie iści faktyčna z našaj armijaj, i jakoha biełarusy buduć hatovyja pryniać, bo my — nie akupanty i nie pavinny kiravać Biełaruśsiu. Biełaruśsiu pavinny kiravać sami biełarusy».

Aleh Dunda. Skrynšot ź videa

Takim lidaram moža być Śviatłana Cichanoŭskaja ci chtości inšy — pryncypovaj roźnicy tut niama, na dumku Aleha Dundy. Hałoŭnaje, kab hetaha lidara padtrymali zamiežnyja partniory i kab hramadstva pryniała jaho na čas da praviadzieńnia demakratyčnych vybaraŭ.

Pry hetym dumka pra biełaruskaje hramadstva ŭ jaho nievysokaja, jon nie ličyć jaho palityčnym subjektam:

«Pa tych sacyjalnych tendencyjach, jakija jość, kali biełaruskaje hramadstva absalutna amorfnaje, možna skazać, što nijakaha pratestu suprać takich vajennych dziejańniaŭ nie budzie. Tamu što kali b była niejkaja hramadskaja pazicyja, navat u dačynieńni da Łukašenki, jana b prajaviłasia b, a jaje niama. Faktyčna, biełarusy nie hatovyja prajaŭlać svaju pazicyju, tamu pry mahčymaj apieracyi ŭ Biełarusi hetaj pazicyi taksama nie budzie».

44-hadovy Aleh Dunda — uradženiec Dniapra. Jon deputat Viarchoŭnaj Rady Ukrainy ad praŭradavaj frakcyi «Słuha naroda», byŭ abrany ŭ adnamandatnaj akruzie ŭ Kijeŭskaj vobłaści. Źjaŭlajučysia sukiraŭnikom mižfrakcyjnaha deputackaha abjadnańnia «Za dekałanizacyju Rasii», jon aktyŭna adstojvaje nieabchodnaść raspadu Rasii jak apošniaj postkałanijalnaj impieryi. 

Kamientary175

  • Sergio
    05.10.2024
    Łučšie s Mołdavii načinajtie )
  • Kahiebieda
    05.10.2024
    Čiełoviek , eto budut nie provokacii, kartonnyj 🤣
  • 05.10.2024
    Adym słovam : " słuha " . Čamu nie ŭ akopach kroŭ za Radzimu ł'je ?

Ciapier čytajuć

Słavacki palitołah, były kiraŭnik amierykanskaha fonda PACT łabiruje zbližeńnie z Łukašenkam3

Słavacki palitołah, były kiraŭnik amierykanskaha fonda PACT łabiruje zbližeńnie z Łukašenkam

Usie naviny →
Usie naviny

Biełarusy, jakija chočuć ukrainski pašpart, ale nie mohuć admovicca ad hramadzianstva Biełarusi aficyjna, zmohuć zrabić heta dekłaratyŭna2

Aleksijevič: Cichanoŭskaja simpatyčnaja, šmat zrabiła, Łatuška i Viačorka razumnyja. Ale niama adčuvańnia tryvałaści apazicyi33

Iran zapuściŭ novuju sieryju rakiet pa Izraili, adna ŭdaryła pa balnicy

Ministr aśviety Rasii pavinšavaŭ «Artek» z pamyłkaj5

Ukrainskaja śpiavačka Ani Łorak atrymała rasijskaje hramadzianstva3

Pucin nazvaŭ zajavy pra žadańnie Rasii napaści na NATA tryźnieńniem3

Minski krajaznaviec raskazaŭ, jakim było Zamčyšča i čamu źnikła z karty stalicy1

Tramp uchvaliŭ płan ataki na Iran, ale pakul ustrymlivajecca ad zahadu2

Pucin zajaviŭ, što hatovy sustrecca ź Zialenskim, ale padpisvać ź im ničoha nie budzie9

bolš čytanych navin
bolš łajkanych navin

Słavacki palitołah, były kiraŭnik amierykanskaha fonda PACT łabiruje zbližeńnie z Łukašenkam3

Słavacki palitołah, były kiraŭnik amierykanskaha fonda PACT łabiruje zbližeńnie z Łukašenkam

Hałoŭnaje
Usie naviny →

Zaŭvaha:

 

 

 

 

Zakryć Paviedamić