«Hniłaž i razmandykvańnie». Čały tłumačyć, jak Łukašenka prydumaŭ idealnuju prahramu pracy na budučyniu
Ekanamist Siarhiej Čały źviarnuŭ uvahu na daručeńni, jakija daje Łukašenka i jaho prahramu raźvićcia Paleśsia.
Płany adradzić Paleśsie
U novym vypusku prahramy «Čały: Ekanomika» analityk źviarnuŭ uvahu na adzin z tezisaŭ, jaki ahučyŭ Łukašenka padčas pajezdki ŭ Pinski rajon — «Znoŭ budziem adradžać Paleśsie».
«Reč u tym, što jon u 2021 hodzie ŭžo naviedvaŭ hetyja miescy i abiacaŭ adradzić Paleśsie. Ale jak adradzić? Adnym z arhumientaŭ hetaha adradžeńnia byŭ «Biełkalij», jaki jakraz tam zapuskaŭ novy rudnik», — tłumačyć Čały.
Padčas pajezdki Łukašenki ŭ 2021-m u Pietrykaŭski rajon jon kazaŭ hiendyrektaru «Biełkalija»:
«Davajcie damovimsia, što pieršyja dva hady choć by paŭmiljona dalaraŭ u hod [treba nakiroŭvać na padtrymku Paleśsia]. Nu, a treci, čaćviorty, piaty pa miljonie im tut treba davać.
(…) Ja chaču, kab pietrykaŭcy razumieli: heta sabrana z usioj krainy».
Takim čynam, padahulniaje Čały, kab padtrymać adnych, daviałosia zabrać u inšych. I taki padychod nie zmoža vypravić situacyju ŭ ekanomicy:
«Kali ŭ maštabach usioj krainy zabirać i ŭ maštabach usioj krainy addavać, to ničoha nie źmienicca. Budzie roŭna toje, što i było. Pieraraźmierkavańniem novaje nie stvarajecca».
«Hniłaž i razmandykvańnie»
Siarhiej Čały źviartaje ŭvahu, što Łukašenka padčas rabočaj pajezdki ŭ Pinski rajon užyŭ niekalki aryhinalnych słoŭ. Naprykład, zajaviŭ, što «hniłaž» nie patrebny, a patrebny narmalnyja karmy.
«Nie chočacca skazać «hniljo», chočacca niejak pa-zamiežnamu vymavić. «Hniłaž», jak hryljaž», — kaža Čały.
Inšaje słoŭca — «razmandykvać». «Mnie patrebna, jak pavinna być. Kolki my budziem razmandykvać pa hetych pytańniach?» — čychvościŭ Łukašenka čynoŭnikaŭ.
Čały zaŭvažaje, što ŭ adroźnieńnie ad słova «hniłaž», jakoje Łukašenka ŭžyŭ pieršy raz, druhoje słova jon vykarystaŭ jašče viasnoj 2010 hoda, kali pravodziŭ naradu pa asobnych pytańniach raźvićcia narodna-haspadarčaha kompleksu.
«Čym dobraja baraćba z hniłažom i razmandykvańniem? Ja nie žartuju i nie źbirajusia z hetaha ździekavacca. Kali vy ŭ jakaści hałoŭnaha voraha i hałoŭnaj kampanii pa baraćbie nazyvajecie «razmandykvańnie», heta nasamreč idealnaja čynoŭnickaja reč. Tamu što nichto nie viedaje, što heta takoje. Ty daručaješ svaim čynoŭnikam vyrašyć pytańnie z razmandykvańniem i hniłažom. Asabliva nie tłumačačy, što heta takoje.
Jany kažuć: «Okiej. My navat viedajem, jak z hetym zmahacca». My praviadziom miesiačnik pa baraćbie z razmandykvańniem. Presa budzie raskazvać pra toje, jak razmandykvańnie za hod źmienšyłasia na 10 pracentaŭ u vyniku hetaj paśpiachovaj baraćby».
Na pohlad Čałaha, baraćba z «razmandykvańniem» — idealnaja biurakratyčnaja štuka.
«Jość bazavy pryncyp luboha kiravańnia, jaki hučyć «You can't manage what you can't measure». Ty možaš kiravać tolki tym, što možna vymierać. Pakolki «razmandykvańnie» całkam idealnaje ŭ tym sensie, što jano nie tolki nievyznačalnaje, ale i nievymiaralnaje, heta aznačaje, što baraćba ź im moža być absalutna hieraičnaj i, napeŭna, navat skončycca pieramohaj»,
— tłumačyć ekśpiert.
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi8
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary
Razmandykvać = Rasp*žvać
Što nie zrazumieła? Častka dziaržaŭnaj ideałohii.
A kali surjozna, daŭno nie padabajecca hety pošuk žartaŭ i miemčykaŭ u plavuzhańni i tryźnieńni kryminalnika i terarysta Łukašenki. Miemčykami jaho ačiełaviečvajuć, robiać choć i durnieńkim, ale i cikavym, zručnym piersanažam.
Što, darečy, svoječasova padchapiła prapahanda, kali pačała pradavać "Mierč Pieršaha".
Nu i Čały nie supakoicca sa svaim biaskoncym pošukam i interpretacyjaj sihnałaŭ z ž*py z vusami.
P.S. Zaŭvažyŭ, što Volha Łojka razmaŭlaje na biełaruskaj movie. Pryjemna.