Raniej Biełarusi praročyli vobraz «vialikaj Małdovy». A kudy ruchajemsia ciapier?
Analityk Siarhiej Čały prapanavaŭ novuju mietafaru.
Ekanamist Dźmitryj Kruk niadaŭna apisaŭ dva scenary ekanamičnaha raźvićcia Biełarusi. Pa adnym ź ich my viartajemsia na narmalny šlach i sprabujem dahnać susiedziaŭ. Druhi ž ničoha dobraha nie praduhledžvaje. Hety niehatyŭny scenar Čały kaliści nazvaŭ vobrazam «vialikaj Małdovy». Ciapier hety vobraz realizavaŭsia, i ŭ Małdovie ŭžo mohuć pužać Biełaruśsiu.
Tamu Siarhiej Čały ŭ vypusku svajoj jutub-prahramy pra ekanomiku prapanavaŭ novuju mietafaru taho šlachu, jakim ruchajecca Biełaruś pry Łukašenku, — «Vialikaje Prydniastroŭje».
«Z ulikam rasijskaj prysutnaści ŭ krainie — vajskovaj, palityčnaj, — umiašańnia va ŭnutranyja spravy, voś taki ankłaŭ, hnajnik, jaki stvaraje prablemy susiedziam i hetak dalej. Voś što takoje «Vialikaje Prydniastroŭje» pad nazvaj «smart-vioska». Heta pierśpiektyva da 2040 hoda, jakaja prapisana ŭ płanach».
***
Prydniastroŭje (Prydniastroŭskaja Małdaŭskaja Respublika) — niepryznanaje mižnarodnaj supolnaściu dziaržaŭnaje ŭtvareńnie sa sprečnym statusam. Prydniastroŭje mocna zaležyć ad palityčnaj, vajskovaj i ekanamičnaj padtrymki z boku Rasii. U rehijonie raźmieščany rasijskija miratvorčyja siły. Prydniastroŭje časta razhladajecca jak adzin z tak zvanych zamarožanych kanfliktaŭ na postsavieckaj prastory.
Kamientary