U Nihieryi minimum 147 čałaviek zahinuli pry vybuchu bienzavoza. Jany sprabavali sabrać raźlitaje paliva
Na poŭnačy Nihieryi ŭ štacie Džyhava ŭ noč na sieradu vybuchnuŭ bienzavoz, zahinuli i paciarpieli sotni ludziej. Cieły mnohich zahinułych abhareli nastolki, što ich niemahčyma apaznać, paviedamlaje Bi-bi-si.
Bienzavoz pierakuliŭsia paśla taho, jak jaho kiroŭca straciŭ kiravańnie, poźnim viečaram aŭtorka.
«My prykłali ŭsie namahańni, kab nichto nie padychodziŭ da bienzavoza, ale, niahledziačy na toje, što my ačapili miesca zdareńnia, ludzi prarvalisia, kab sabrać paliva, i pačaŭsia pažar», — raskazaŭ Bi-bi-si pradstaŭnik miascovaj palicyi.
Nihieryjskaja palicyja paviedamiła, što ŭ vyniku vybuchu bienzavoza zahinuli minimum 147 čałaviek. Zahinułyja sprabavali źbirać praciokłaje paliva, košt jakoha ŭ Nihieryi za apošni hod vyras u piać razoŭ.
Bolšaść achviar vybuchu ŭžo pachavanyja ŭ brackaj mahile.
Kiroŭca bienzavoza nie paciarpieŭ. Jaho zatrymali na čas praviadzieńnia rasśledavańnia.
Padobnyja incydenty ŭ Nihieryi — nie redkaść. Tak, u vieraśni hetaha hoda 59 čałavieki zahinuli ŭ štacie Nihier, kali bienzavoz sutyknuŭsia z hruzavikom, jaki pieravoziŭ žyviołu i ludziej.
Tolki za 2020 hod, pavodle padlikaŭ miascovych uładaŭ, u Nihieryi adbyłasia 1531 avaryja ź bienzavozami. U sumie jany zabrali 535 žyćciaŭ.
Dzie znachodziacca krainy z samym maładym nasielnictvam?
Žychary Nihieryi i PAR zładzili samy sapraŭdny ździek z taksistaŭ estonskaj kampanii
U Nihieryi padčas pratestaŭ aryštavali 7 palakaŭ za «razmachvańnie rasijskimi ściahami». Imi akazalisia studenty i vykładčyk Varšaŭskaha ŭniviersiteta
Rasija sprabuje destabilizavać Nihieryju. Upadzie jana — upadzie ŭsia Zachodniaja Afryka
Ciapier čytajuć
Mabilnym apierataram zabaranili zahaniać biełarusaŭ u vialiki minus8
Mabilnym apierataram zabaranili zahaniać biełarusaŭ u vialiki minus
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary