Biełarus Dźmitryj Šepieleŭ straciŭ pracu na rasijskim telebačańni
Havorka idzie pra papularnaje štotydniovaje šou «U kole siabroŭ», jakoje pakazvaje telekanał «Rasija».
41-hadovy Šepieleŭ z vosieni 2023 hoda vioŭ hetuju siamiejnuju prahramu, dzie razmaŭlaŭ sa znakamitaściami i zvyčajnymi telehledačami, jakija prychodzili ŭ studyju sa svaimi chatnimi hadavancami. Hości raspaviadali cikavyja i pavučalnyja historyi pra svaich čatyrochnohich i piarnatych siabroŭ, a taksama davali parady pa dohladzie za žyviołami, piša «Kamsamołka».
Adnak, jak vynikaje z kastryčnickich efiraŭ 2024 hoda, Šepieleŭ bolš nie viadzie prahramu. Novyja vypuski viadzie akcior Siarhiej Druźjak, jakomu dapamahaje sabaka parody border-koli pa mianušcy Prajm. Darečy, Druźjak byŭ hościem adnaho z vypuskaŭ prahramy, kali jaje jašče vioŭ Šepieleŭ.
Akramia telebačańnia, u Šepieleva nie skłalisia spravy i z padkastami na radyjo i ŭ internecie.
Pieršy prajekt byŭ pryśviečany štučnamu intelektu, druhi mieŭ nazvu «Tata doma». Abodva prajekty nie abnaŭlalisia z pačatku leta. Taksama karotkim akazaŭsia prajekt «Spatkańnie z pryčepam» na płatformie Rutube, jaki vyjšaŭ viasnoj. Šepieleŭ byŭ nie tolki viadučym, ale i pradziusaram hetaha šou.
Zaraz, pavodle infarmacyi KP.RU, Šepieleŭ pracuje nad novymi idejami i prajektami ŭ jakaści pradziusara. U minułym hodzie jon prajšoŭ kurs pa biznes-pradziusavańni ŭ Škole padziejnaha pradziusavańnia.
Šepeleŭ, jaki pačynaŭ karjeru ŭ Biełarusi, byŭ viadučym papularnych rasijskich telešou, takich jak «Dostojanije Riespubliki», «Dva hołosa», «Na samom diele», «Ty kak ja», «Šou bolšoj strany». Pierad hetym jon pracavaŭ na ŭkrainskim telebačańni.
Ciapier čytajuć
Azaraŭ zakryŭ płan «Pieramoha» i pieravioŭ usich udzielnikaŭ u rezierv16
Azaraŭ zakryŭ płan «Pieramoha» i pieravioŭ usich udzielnikaŭ u rezierv
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie3232
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie32
Biełaruska arhanizavała adpačynak dla dziaciej palitviaźniaŭ na Łazurnym bierazie. Jana raskazała, jak uciakała z krainy i jak jaje zatrymlivaŭ Interpał1111
Kamientary