Hramadstva1616

«Bu! Spužaŭsia?» Miem sa stromnym katom zapałaniŭ internet

Razabralisia adkul uziałasia naviaźlivaja istota. Pieršapačatkova kot nie byŭ takim žudasnym.

Kot-lalka Viskier z šou TV Funhouse, uziaty za asnovu dla miema.

Miem zavirusiŭsia ŭ pačatku kastryčnika 2024 hoda ŭ tyktoku, a paśla pierakinuŭsia i na inšyja sacsietki. U videa animiravany niejrasietkaj kot naviaźliva pierakonvaje, što jon siabar i prosić nie bajacca jaho.

Jak vyhladaje miem

«Bu! Spužaŭsia? Nie bojsia. Ja siabar. Ja ciabie nie pakryŭdžu. Idzi siudy, idzi da mianie, siadaj pobač sa mnoj. Pahladzi mnie ŭ vočy. Ty bačyš mianie? Ja taksama ciabie baču. Davaj hladzieć adno na adnaho da toj pary, pakul našy vočy nie stomiacca. Ty nie chočaš? Čamu? Štości nie tak?»

Watch on TikTok

Nie tak absalutna ŭsio. Da i biez taho niepryvabnaj pysy cacačnaha kata zanadta pierakanaŭča prymalavany čałaviečy rot ź vielmi nienaturalnaj dla žyvioły mimikaj. Astatni tvar zastajecca absalutna biezemacyjnym, asabliva vialikija šklanyja vočy, jakija hladziać u roznyja baki.

Z vusnaŭ žyvioły źlatajuć słovy, jakija byccam chočuć schilić hledača da siabie, ale z kožnym słovam jany hučać usio bolš tryvožna — zanadta niaŭmieła i nastojliva žyvioła choča być siabram, zusim nie jak zvyčajnyja ludzi.

Naściarožvaje i sam hołas — jon zusim nie žartaŭlivy, jak možna było b čakać ad animiravanaj cacki, a zvyčajny mužčynski. Havoryć kot paśpiešliva, ale manatonna, biez paŭz i intanacyi.

Čamu miem taki dyskamfortny? 

I choć nielha skazać, što mienavita pužaje ŭ hetym kacie, ale ŭvieś papiaredni žyćciovy dośvied kaža pra toje, što ad hetaj istoty treba trymacca jak maha dalej i ni na što nie zhadžacca.

Chutčej za ŭsio tut spracoŭvaje efiekt «złaviesnaj daliny», što ludzi adčuvajuć ahidu i niepryjaznaść da abjektaŭ, jakija vyhladajuć i dziejničajuć jak ludzi, ale imi nie źjaŭlajucca. Drobnyja nieadpaviednaści ŭ ich vyhladzie i ruchach vyklikajuć dyskamfort i strach. Aŭtar hetaj hipotezy zaŭvažyŭ, što animacyja tolki ŭzmacniaje niehatyŭnaje ŭsprymańnie.

Watch on TikTok

U sacsietkach stromnaha kata vykarystoŭvajuć, kab raspavieści pra niepryjemnych asob, jakich moža sustreć u svaim žyćci kožny čałaviek. Naprykład, niepažadany nieznajomiec na ciomnaj vulicy, niepryjemny klijent na źmienie ŭ aptecy, nastaŭnik, jaki choča paznajomić sa svaim nudnym pradmietam, dakučlivy kaleha na pracy ci novy psichołah na pieršaj siesii.

Watch on TikTok

Pužać nie mienš, čym jany, mohuć taksama chatnija žyvioły i navat kresła z adzieńniem unačy. Miem akazaŭsia ŭniviersalnaj bu-pužałkaj.

Adkul kot

Pieršapačatkova kot nie byŭ takim žudasnym. Havoračaja lalka-kot pa mianušcy Viskier była adnym ź piersanažaŭ sa staroha amierykanskaha šou TV Funhouse, jakoje vychodziła ŭ 2000-2001 hadach. Spačatku jano było častkaj načnoj pieradačy Saturday Night Live, u jakoj scenaryst i komik Robiert Šmihiel pakazvaŭ karotkija animacyjnyja roliki, ale paśla stała vychodzić samastojna na kanale Comedy Central. 

Na rasijskim telekanale «2ch2», jaki tranślavali ŭ Biełarusi, jon vychodziŭ pad nazvaj «Un-šłak! Un-šłak!» (adsyłka da «Anšłaha»).

I choć šou vyhladała jak dziciačaje, žyvioły ŭ im uvieś čas sabačylisia, brudna žartavali i zaachvočvali hvałt. Davodziačy ŭsio da absurdu aŭtary imknulisia vyśmiejać inšyja telešou. Ale asablivaj papularnaściu šou na Comedy Central nie karystałasia i było zakryta paśla 8 vypuskaŭ.

Frahmient ź Viskieram, jaki pasłužyŭ asnovaj dla miema, uziaty ź piataha vypusku «Dzień piačornaha čałavieka», u jakoj kot abmiarkoŭvaje z sabakam jahonuju «bieździarmovuju dyjetu». Kot u šou taksama ruchaje rotam, kali havoryć, ale zusim nie tak žudasna, jak u miemie. 

Jak im karystajucca

Miem staŭ takim paznavalnym, što hołas i słovy stromnaha kata pačali vykarystoŭvać i bieź jaho animiravanaj pysy. Kali im havoryć tavaryš major u vajenkamacie ci palityk, jakomu ad ciabie niešta treba, usio roŭna stanovicca nie pa sabie.

Miem ź Dziedam-Baradziedam. Skrynšot tvita

U tekstavym farmacie miem dabraŭsia i da biełaruskaha tvitara. Tut Dzied-Baradzied prapanuje nie bajacca i razam abyści ŭvieś bieły śviet, a Zianon Paźniak — šukać ahienturu i ŭskryvać hebovyja kansiervy. «Ty nie chočaš? Čamu? Štości nie tak?»

Miem ź Zianonam Paźniakom. Skrynšot tvita

«Naša Niva» — bastyjon biełaruščyny

PADTRYMAĆ

Kamientary16

  • Tak
    26.10.2024
    Čamu čarhovaja navina z zahałoŭkam "zapałaniŭ internet", a ŭ vyniku znoŭ havorka pra rasiejskuju prastoru, a nie ŭvieś Internet.

    Znoŭ biez rasiejščyny nijak?
  • Ćchu
    26.10.2024
    I znoŭ rasiejščyna. Ja tak razumieju, navat źjechaŭšy ŭ Vilniu vy ŭsio roŭna zatsalisia žyć u svaim ruskim mirku, dy jašče pačali jaho ciahnuć siudy na sajt. I heta na trećci hod vajny.
  • Kot
    26.10.2024
    [Red. vydalena]
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

«Ja skazaŭ na videa, što mianie nie katujuć — na toj momant heta było praŭdaj. A paśla mianie bili dźvie hadziny». Ukrainski žurnalist dva hady pravioŭ u rasijskim pałonie — voś što jon pieražyŭ1

«Ja skazaŭ na videa, što mianie nie katujuć — na toj momant heta było praŭdaj. A paśla mianie bili dźvie hadziny». Ukrainski žurnalist dva hady pravioŭ u rasijskim pałonie — voś što jon pieražyŭ

Usie naviny →
Usie naviny

Rasija zakryje nieba nad Kapuścinym Jaram. Raniej tak rabili pry atacy «Arešnikam»

Maksim Niedasiekaŭ vystaviŭ na prodaž mašynu. Śćviardžaje, što choča nabyć nieruchomaść8

Jeŭrapiejskija lidary pryjechali ŭ Kijeŭ

U Žyrovicach daščentu raźbirajuć baročnuju carkvu XVIII stahodździa9

Pakistan pačaŭ vajennuju apieracyju suprać Indyi2

«Havorka pra sotni čałaviek». Za hod u śpisie «ekstremisckich farmavańniaŭ» źjavilisia siem adukacyjnych prajektaŭ6

KDB pryznaŭ «terarystkami» zasnavalnic Imaguru1

Amierykanskaja ambasada ŭ Kijevie papiaredziła pra mahčymy maštabny abstreł Ukrainy1

Ci sapraŭdy možna stracić da 10 kiłahramaŭ padčas snu? Navat bolš!

bolš čytanych navin
bolš łajkanych navin

«Ja skazaŭ na videa, što mianie nie katujuć — na toj momant heta było praŭdaj. A paśla mianie bili dźvie hadziny». Ukrainski žurnalist dva hady pravioŭ u rasijskim pałonie — voś što jon pieražyŭ1

«Ja skazaŭ na videa, što mianie nie katujuć — na toj momant heta było praŭdaj. A paśla mianie bili dźvie hadziny». Ukrainski žurnalist dva hady pravioŭ u rasijskim pałonie — voś što jon pieražyŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić