Zatrymanaha 22 kastryčnika žurnalista Ihara Iljaša pieraviali ŭ śledčy izalatar № 1. Z hetaha vynikaje, što jamu aficyjna vystaŭlena kryminalnaje abvinavačańnie, piša BAŽ.
Pra zatrymańnie Ihara Iljaša, muža palitźniavolenaj žurnalistki Kaciaryny Andrejevaj, stała viadoma ranicaj 22 kastryčnika. Jaho fotazdymak u kajdankach apublikavali praŭładnyja telehram-kanały. U dopisie kanała, blizkaha da siłavikoŭ, uskosna paviedamlałasia, što zatrymańnie žurnalista niejkim čynam źviazana z telekanałam «Biełsat».
Užo ŭviečary 22 kastryčnika toj ža telehram-kanał, źviazany ź siłavikami, apublikavaŭ videa ź Iharam Iljašom. U tekście da videarolika było napisana:
«Pa šlachu žonki. Hety polski žurnalist-špijon razam z žonkaj zajmaŭsia sudziejničańniem ekstremisckim farmavańniam i zboram źviestak dla zamiežnych vyviedak. Saŭdzielnica ŭžo daŭno siadzić za ekstremizm i zdradu dziaržavie, a muž dahetul byŭ na voli, bo jaho dziejnaść staranna dakumientavałasia. Vypraŭlajem hetu aburalnuju niespraviadlivaść».
U samim videaroliku byli vykarystany kadry, zroblenyja milicejskim videaapierataram: na ich vidać, što ŭ kvatery Iljaša jaho zatrymlivajuć minimum čaćviora bajcoŭ atrada śpiecyjalnaha pryznačeńnia MUS «Bierkut» u poŭnaj amunicyi.
Na videa Iljaš raspaviadaje, što da lipienia 2021 hoda «źjaŭlaŭsia kadravym supracoŭnikam telekanała «Biełsat», paśla hetaha staŭ žurnalistam-fryłansieram.
«Ciaham hetych hadoŭ ja nieadnarazova davaŭ intervju roznym miedyjam, u liku jakich byli i resursy, pryznanyja na terytoryi Biełarusi «ekstremisckimi farmavańniami» ŭ toj ci inšy čas».
Jon taksama dadaje, što da jaho źviartalisia pa intervju i kamientary zamiežnyja ŚMI, u tym liku ŭkrainskija. Naprykład, źviartaŭsia «ŭkrainski žurnalist, jaki pravodziŭ rasśledavańnie z nahody mahčymaha ŭdziełu biełaruskich vojskaŭ va ŭvarvańni va Ukrainu».
Pavodle słoŭ žurnalista, jaho zatrymali mienavita «za heta» — za intervju miedyjam, pryznanym biełaruskimi ŭładami «ekstremisckimi farmavańniami».
Ihar Iljaš — žurnalist i muž palitźniavolenaj žurnalistki Kaciaryny Andrejevaj (Bachvałavaj), jakaja z 2020 hoda znachodzicca ŭ źniavoleńni pa abvinavačańni za prafiesijnuju dziejnaść. Jaje asudzili da 8 hadoŭ i 3 miesiacaŭ pazbaŭleńnia voli. Ihar Iljaš pryncypova nie chacieŭ źjazdžać ź Biełarusi, kab mieć mahčymaść rychtavać pieradačy dla žonki i jeździć da jaje na spatkańni ŭ homielskuju kałoniju № 4.
Za žurnalisckuju dziejnaść Ihar Iljaš taksama traplaŭ pad represii siłavikoŭ. Tak, u listapadzie 2020 hoda Iljaša aryštoŭvali na 15 sutak za «ŭdzieł u pikietavańni». U lipieni 2021 hoda jaho taksama zatrymlivali na 15 sutak padčas masavych vobšukaŭ i zatrymańniaŭ niezaležnych žurnalistaŭ pa ŭsioj Biełarusi. Tady ŭ kvatery žurnalista praviali pieratrus, zabrali techniku i knihi.
-
Dziadok — apazicyjanieram: Zajmajučysia dyskredytacyjaj Ofisa Cichanoŭskaj, vy ljacie vadu na młyn režymu
-
«Marzaluk — heta naš zubr». Jak praŭładny historyk niečakana staŭ trendam dla zumieraŭ u tyktoku
-
«Šatł-bas spačatku spyniŭsia, a potym pačaŭ pavolna kacicca nazad». Biełarus, jaki staŭ vidavočcam avaryi ŭ Tajłandzie, raskazaŭ padrabiaznaści
Ciapier čytajuć
U Minsku zaviaršyli budaŭnictva piacizorkavaha hatela na miescy kolišniaha «Biełekspa»9
U Minsku zaviaršyli budaŭnictva piacizorkavaha hatela na miescy kolišniaha «Biełekspa»
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»1010
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»10
Sumleńnie, kachańnie, koły piekła i halivudski finał. U siamji budaŭnika i biblijatekarki z Pružanskaha rajona Ihara i Julii Łaptanovičaŭ aryštavali spačatku jaho, paśla — jaje, a paśla i babulu33
Kamientary