8 tysiač karejcaŭ mohuć kinuć u boj na Kurščynie «najbližejšymi dniami»
U Kurskaj vobłaści Rasii znachodzicca prykładna 8 tysiač paŭnočnakarejskich vajskoŭcaŭ, jakija mohuć być pryciahnutyja da bajavych dziejańniaŭ suprać Ukrainy «najbližejšymi dniami», paviedamiŭ 31 kastryčnika dziaržsakratar ZŠA Entani Blinkien paśla sustrečy ŭ Vašynhtonie ministraŭ abarony i zamiežnych spraŭ ZŠA i Paŭdniovaj Karei.
«Ciapier, pavodle našych acenak, u Rasii ahułam znachodzicca kala 10 tysiač paŭnočnakarejskich sałdat, i, pavodle apošniaj infarmacyi, kala 8 tysiač hetych vajskoŭcaŭ byli razhornutyja ŭ Kurskaj vobłaści», — zajaviŭ kiraŭnik amierykanskaj dypłamatyi.
Jon adznačyŭ, što «Złučanyja Štaty pakul nie bačyli paćviardžeńniaŭ pryciahnieńnia vajskoŭcaŭ KNDR da bajavych dziejańniaŭ», «ale my čakajem, što heta adbudziecca najbližejšymi dniami».
Dziaržsakratar ZŠA padkreśliŭ, što rasijskaja armija pravodzić treniroŭki z paŭnočnakarejskimi vajskoŭcami, u pryvatnaści pa vykarystańni artyleryi, BPŁA, asnoŭnych dziejańniaŭ piachoty, «što śviedčyć pra pramyja namiery vykarystoŭvać hetyja siły ŭ apieracyjach na linii frontu».
Blinkien padkreśliŭ — kali hetyja vojski buduć udzielničać u bajavych dziejańniach abo apieracyjach bajavoj padtrymki suprać Ukrainy, to «jany stanuć zakonnymi vajskovymi celami».
Jon taksama padkreśliŭ, što adnoj z pryčyn, čamu Rasija źviarnułasia pa dapamohu da KNDR, byŭ adčaj:
«Pucin kidaje ŭsio bolš rasijan u miasarubku, jakuju jon sam zładziŭ va Ukrainie. Ciapier jon źviartajecca da Paŭnočnaj Karei, i heta vidavočnaja prykmieta słabaści».
Dziaržsakratar ZŠA padkreśliŭ, što «rasijskija straty na ŭschodzie Ukrainy składajuć štodnia kala 1200 vajskoŭcaŭ — bolš, čym kali-niebudź padčas vajny. I ciapier Rasija ŭpieršyniu za 100 hadoŭ paprasiła dapamohi zamiežnych vojskaŭ».
ZŠA pryhrazili źniać abmiežavańni na zbroju dla Ukrainy, kali KNDR ustupić u vajnu
Pierabiežčyki z Paŭnočnaj Karei prosiacca va Ukrainu, kab rasprapahandavać surodzičaŭ pa inšy bok frontu
NATA paćvierdziła prysutnaść vajskoŭcaŭ KNDR na Kurščynie
Pucin nie staŭ admaŭlać pierakidańnie vojskaŭ KNDR u Rasiju
Našto Kimu leźci va Ukrainu i čamu za hetym moža stajać Kitaj?
Ukraina apublikavała VIDEA ź dziasiatkami sałdat KNDR, jakija atrymlivajuć rasijskuju formu
Ciapier čytajuć
Fizik z Akademii navuk pierajechaŭ na pracu ŭ Polšču. Padčas vizitu ŭ Biełaruś jaho aryštavali za palityku i kinuli ŭ kałoniju10
Fizik z Akademii navuk pierajechaŭ na pracu ŭ Polšču. Padčas vizitu ŭ Biełaruś jaho aryštavali za palityku i kinuli ŭ kałoniju
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii99
Kamientary