U Brazilii vyjavili adnu z samych małych pazvanočnych u śviecie
Daśledčyki ź dziaržaŭnaha ŭniviersiteta Kampinasa ŭ Brazilii apisali novy vid siedłanosnaj žaby. Pavodle danych navukoŭcaŭ, heta ciapier druhaja pa vieličyni pazvanočnaja žyviolina ŭ śviecie, piša «Zialony partał».
Daŭžynia malusieńkaj žaby Brachycephalus dacnis składaje ŭsiaho 6,95 milimietra, i heta druhoje miesca ŭ śviecie.
A samaj maleńkaj pazvanočnaj žyviolinaj śvietu ličycca inšy vid hetaha ž rodu, Brachycephalus pulex, daŭžynioj 6,45 milimietra, vyjaŭleny ŭ paŭdniovym brazilskim štacie Baija.
Siedłanosnyja žaby raźvivajucca, minajučy stadyju apałonika, i vychodziać ź jajek u vyhladzie minijaciurnych darosłych asobin. Niahledziačy na malusieńkija pamiery, jany vałodajuć usimi charaktarystykami bolš bujnych vidaŭ.
Daśledčyki ličać, što raznastajnaść hetych maleńkich žab moža być značna bolšaja, čym viadoma na hety momant. Detalovaje apisańnie ŭsich asablivaściaŭ dapamoža ŭ ich zachavańni.
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary