Dziciačaja doktarka ź Minska, jakaja šakavała antysiemickimi vykazvańniami, vydaliła svoj akaŭnt
Svaim krytykam doktarka pahražała, što źviernie na ich uvahu siłavikoŭ.
1 listapada ŭ tvitary źjaviŭsia dopis doktara Alesi Biełavus — aniestezijołaha-reanimatołaha z 3-j dziciačaj balnicy ŭ Minsku.
Žančyna zajaviła, što «joj jak biełabrysaj słaviancy bolš za ŭsio paskudstvaŭ pryčyniaje jaŭrejonyš» i što «pry ŭsioj jaje maksimalnaj talerantnaści nichto nie źjaŭlajecca takim vadkim čmom, jak žydzionyšy».
Na fonie krytyki doktarka napisała jašče niekalki tvitoŭ, u adnym ź jakich pažadała jaŭrejam «hareć u piečach», supravadžajučy heta simvałam padtrymki Paleściny. Potym toj dopis žančyna vydaliła, ale kamientatary jaho zaskrynili.
Taksama doktarka stała pahražać svaim krytykam, što źviernie na ich uvahu siłavikoŭ.
Takija vykazvańni aburyli internet-karystalnikaŭ. «Doktar Mienhiele» — adzin z častych kamientaroŭ, jaki pisali joj u sacsietkach, pravodziačy paralel z doktaram-nacystam, jakija staviŭ dośledy na viaźniach łahiera Aśviencym u Druhuju suśvietnuju vajnu.
U vyniku doktarka vydaliła svoj akaŭnt u tvitary z antysiemickimi dopisami.
Balnica, dzie jana pracuje, skandał pakul nie kamientavała.
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia18
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary