Kiraŭnikam dziaržaŭnych haziet u Biełarusi płaciać maksimalna mahčymy zarobak
Pamier akładu kiraŭnikoŭ bujniejšych praŭładnych ŚMI raźličvajuć zychodziačy z maksimalnaj dla hetaj katehoryi rabotnikaŭ taryfnaj staŭki 18-ha razradu, zaŭvažyŭ «Pozirk».
Pamier akładu kiraŭnikoŭ ustanovy Administracyi prezidenta «Vydaviecki dom «Biełaruś siońnia», redakcyjna-vydavieckaj ustanovy «Vydaviecki dom «Źviazda», redakcyjna-vydavieckaj ustanovy «Kultura i mastactva» raźličvajecca zychodziačy z maksimalna mahčymaj dla hetaj katehoryi rabotnikaŭ taryfnaj staŭki 18-ha razradu.
Heta vynikaje z apublikavanaj 5 listapada Nacyjanalnym pravavym internet-partałam pastanovy Ministerstva infarmacyi ad 17 kastryčnika № 14.
Takaja ž staŭka prymianiajecca dla kiraŭnikoŭ dziaržaŭnaj ustanovy «Vajskovaje infarmacyjnaje ahienctva Uzbrojenych Sił Respubliki Biełaruś «Vajar».
Akłady hałoŭnych redaktaraŭ inšych dziaržaŭnych ŚMI raźličvajucca pa taryfnych staŭkach ad 13-ha (zasnavalniki — inšyja arhanizacyi) da 17-ha (zasnavalniki — respublikanskija orhany dziaržkiravańnia) razradu. Pramiežkavymi źvionami źjaŭlajucca kiraŭniki ŚMI, zasnavalnikami jakich źjaŭlajucca vykankamy i saviety deputataŭ roznaha ŭzroŭniu.
Zhodna z formułaj, jakaja ŭžyvajecca, pamier akładu takim słužačym vyličvajecca šlacham množańnia bazavaj staŭki (z 1 vieraśnia 2024 hoda 253 rubli) na adpaviedny kaeficyjent (ad 2,17 dla 13-ha razradu da 3,0 dla 18-ha).
Pry hetym zarabotnaja płata akramia akładu ŭklučaje ŭ siabie kampiensacyjnyja vypłaty (dapłaty za asablivyja ŭmovy pracy, zvyšuročnyja raboty, vučonyja stupieni i inš.) i stymulujučyja vypłaty (premii, nadbaŭki za staž i inšyja nadbaŭki).
-
Minenierha pra situacyju z aśviatleńniem: Usio budzie rehulavacca ŭ zaležnaści ad miascovaści
-
Jak dziaržava pradała niepatrebnuju łaźniu za 29 rubloŭ, a paśla zabrała i łaźniu, i šalonuju niaŭstojku
-
«Baćka pravilna zrabiŭ, ciapier bolš praviednaści», «Foty vyrvanyja z kantekstu». Jak prapahanda apraŭdvaje adklučeńnie śviatła na vulicach
Ciapier čytajuć
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j12
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary