Kanapackaja pachvaliłasia, što ŭ 2020 hodzie nie marnavała hrošy na vybarčuju kampaniju, a ŭdała ŭkłałasia ŭ kryptavalutu
Hanna Kanapackaja raskazała, što ŭ 2020 hodzie kupiła kryptavalutu na hrošy, jakija zekanomiła padčas vybarčaj kampanii. Ciapier hetyja hrošy, pavodle jaje prahnozu, joj spatrebiacca.
«Adkazvajučy na pytańnie: «Čym vam zapomniŭsia 2020 hod?», pierš za ŭsio na rozum prychodziać dźvie rečy: sproba dziaržaŭnaha pieravarotu ŭ našaj krainie kupkaj samazvancaŭ (tak, imavierna, Kanapackaja nazyvaje vybary 2020 hoda — NN), pad kiravańniem i za hrošy rasijskich aliharchičnych struktur, i toje, jak udała ŭvajšła, praz nadziejnych partnioraŭ, u BTC pa 18.0 na srodki, nie vydatkavanyja ŭ chodzie vybarčaj kampanii.
Ciapier, jak znajšła, nieŭzabavie spatrebiacca», — napisała jana.
Kolki bitkoinaŭ Kanapackaja kupiła i na što hrošy spatrebiacca, jana nie ŭdakładniła.
4 listapada CVK zarehistravała inicyjatyŭnuju hrupu Hanny Kanapackaj dla zboru podpisaŭ za vyłučeńnie kandydatam u prezidenty. Joj treba sabrać 100 tysiač podpisaŭ.
Hanna Kanapackaja ŭ 2020 hodzie taksama bałatavałasia ŭ prezidenty. Pavodle źviestak CVK, jana nabrała 1,68% hałasoŭ.
Aryštavany dyrektar Pałaca Respubliki, adzin z arhanizataraŭ Marafona adzinstva9
Kamientary