Pad Navahrudkam prapanujuć zarobak da 9500 rubloŭ — što za vakansija
Dośvied nie patrabujecca, a pracoŭny tydzień — čatyrochdzionny.
Pasada z zarobkam da 9500 rubloŭ prapanujecca ŭ sielskaj arhanizacyi Hrodzienskaj vobłaści. Takaja vakansija apublikavanaja na sajcie Rabota.by, piša partał «Točka».
Ad suiskalnika patrabujucca viedy ŭ ahranomii, dośvied pracy ŭ sadavodstvie i pravy katehoryi B.
U adkaz na ŭsio heta najmalnik hatovy prapanavać salidny zarobak (9500 rubloŭ da vyliku padatkaŭ), «čatyrochdzionku», mahčymaść pražyvać na miascovaści, apłatu dvuch miesiacaŭ zimovaha prastoju (śniežań i studzień), hnutki hrafik, sistemu zaachvočvańniaŭ.
Što za miesca i ŭ čym padvoch?
Pracu z zajzdrosnym zarobkam prapanuje fiermierskaja haspadarka, raźmieščanaja za 35 km ad Navahradka. Šukajuć kiraŭnika haspadarki. Pracavać pryjdziecca na płantacyi bujakoŭ płoščaj 4,5 ha z 1 lutaha pa 1 śniežnia.
Praŭda, zarobak prapisany ź vialikaj raźbiežkaj — ad 2000 da 9500 rubloŭ.
U haspadarcy treba budzie vykonvać usie ahratechničnyja raboty, navučać kamandu supracoŭnikaŭ i kiravać joju. Akramia taho, pryjdziecca arhanizoŭvać zbor i zbyt jahad.
Vialikimi plusami kandydataŭ stanuć pravy katehoryi B i asabisty aŭtamabil, navyki kiravańnia traktaram i naviasnym abstalavańniem, fizičnaja vynoślivaść i ahranamičnaja adukacyja.
-
«Historyja nie vyklikaje davieru». Polšča pieradała Litvie spravu ab mižnarodnaj abaronie biełaruski, jakaja časta jeździła ŭ kamandziroŭki
-
Nie tolki lehiendarny «Supier 8». Jakija jašče atrakcyjony nie buduć pracavać u Minsku ŭ hetym siezonie
-
Cichanoŭskaja pra vysyłku ź Biełarusi ŭ žniŭni 2020: Mnie dali na zbory 20 chvilin
Kamientary
Dy jašče kab kiravaŭ ŭsimi i na traktary paśpiavaŭ pierad usimi. A ŭ astatni čas na svaim lehkaviku jahadki razvoziŭ dy vyručku pryvoziŭ.
Adnaho ŭciamić nie mahu: čamu im jašče hapaka stancavać nie treba.