Zasnavalnika miedcentra «Novy zrok» zavočna prysudzili da 12 hadoŭ kałonii
U Minsku vynieśli prysud zasnavalniku miedycynskaha centra «Novy zrok» Alehu Kaŭryhinu, paviedamiła Hienieralnaja prakuratura. Jamu inkryminavalisia «złačynstvy suprać paradku ažyćciaŭleńnia ekanamičnaj dziejnaści i ekstremisckaj skiravanaści».
Kaŭryhina pryznali vinavatym
«u arhanizacyi i kiraŭnictvie uchileńniem ad vykanańnia abaviazkaŭ padatkovaha ahienta pa pieraličeńni padatkaŭ u asabliva bujnym pamiery, a taksama ŭ arhanizacyi i kiraŭnictvie uchileńniem ad vypłaty strachavych uznosaŭ u asabliva bujnym pamiery». Majecca na ŭvazie nibyta vypłata zarobkaŭ supracoŭnikaŭ u kanviertach.
Akramia taho, jaho taksama abvinavačavali va
«ŭchileńni ad vypłaty padatkaŭ, što paciahnuła pryčynieńnie škody ŭ asabliva bujnym pamiery, sadziejničańni ekstremisckaj dziejnaści, u tym liku paŭtorna, raspalvańni sacyjalnaj varožaści pa prykmiecie inšaj sacyjalnaj prynaležnaści, dyskredytacyi Respubliki Biełaruś, zaklikach da sankcyj i inšych dziejańniaŭ, nakiravanych na pryčynieńnie škody nacyjanalnaj biaśpiecy krainy i inšych dziejańniach, skiravanych na pryčynieńnie škody nacyjanalnaj biaśpiecy krainy i inšych dziejańniach».
Za ŭsio heta sud admieraŭ Alehu Kaŭryhinu pazbaŭleńnie voli na 12 hadoŭ z adbyvańnie u vypraŭlenčaj kałonii va ŭmovach uzmocnienaha režymu, a taksama štraf u pamiery 10 tys. bazavych vieličyń, to-bok Br400 tys. Taksama jaho na 5 hadoŭ pazbaŭlajuć prava zajmać pasady, źviazanyja z vykanańniem arhanizacyjna-rasparadčych i administracyjna-rasparadčych abaviazkaŭ. Akramia taho, z Kaŭryhina ŭžo spahnana zvyš Br3 młn u dachod dziaržavy.
Aleh Kaŭryhin žyvie za miažoj, tamu sudzili jaho zavočna, u ramkach «śpiecyjalnaj vytvorčaści. Sam jon vystaŭlenyja jamu abvinavačańni rašuča adchilaŭ, nazyvajučy abvinavačvańni suprać siabie sprobaj dziaržaŭnaha rekietu i pomstaj za hramadzianskuju pazicyju miedykaŭ «Novaha zroku» ŭ 2020-m.
Pakaranyja i inšyja słužbovyja asoby miedcentra. Hałoŭnamu buchhałtaru, namieśnikam dyrektara i hałoŭnaj miedsiastry miedcentra pryznačyli ad 3 hadoŭ 3 miesiacaŭ da 3 hadoŭ 6 miesiacaŭ pazbaŭleńnia voli z adterminoŭkaj na 3 hady. Taksama na ich nakłali štrafy ad 600 do 1 tys. bazavych vieličyń (ad Br24 tys. da Br40 tys.).
«Hetym rašeńniem mianie pryznali sumlennym čałaviekam» — zasnavalnik «Novaha zroku» pra vystaŭlenyja abvinavačańni
Zavočna buduć sudzić zasnavalnika «Novaha zroku» Aleha Kaŭryhina
«Ja nikoli nie płaciŭ bandytam». Vialikaje intervju z kiraŭnikom rekvizavanaj sietki klinik «Novy zrok»
Uładalnik klinik «Novy zrok»: Ja jechaŭ na sud u Biełaruś, ale mianie zatrymaŭ Interpoł
«Ja nie jahnia i ich nie bajusia» — uładalnik klinik «Novy zrok» Aleh Kaŭryhin daŭ vialikaje intervju
«Tyja ludzi, jakija prymajuć rašeńni, sami na sabie heta adčujuć». Zasnavalnik «Novaha zroku» prakamientavaŭ pazbaŭleńnie licenzii
«Kali b Kaŭryhin uziaŭ sabie ŭ mieniedžary adstaŭnoha hienierała, to abyšłosia b». Biznesoŭcy prakamientavali zakryćcio «Novaha zroku»
Što ŭjaŭlaje saboj impieryja «Novy zrok» i ŭ jakoj schiemie ich abvinavaciŭ DFR
Ciapier čytajuć
Hurt «Drazdy» pakidaje scenu i vinavacić u hetym «hipieraktyŭnych błohieraŭ»3
Kamientary