Hramadstva22

Stała viadoma, što za biełarus arhanizoŭvaŭ napad na rasijskaha apazicyjaniera Vołkava ŭ Vilni

Rasijskaje vydańnie «Miediazona» vyvučyła archiŭ pierapiski pamiž rasijskim miljanieram Leanidam Nieŭźlinym i jurystam Anatolem Blinovym, jaki abvinavačvajecca ŭ arhanizacyi napadu ŭ Vilni na paplečnika Alaksieja Navalnaha Leanida Vołkava. Siarod inšaha z apublikavanaha analizu pierapiski stała viadoma, što za biełarus zamiašany ŭ hetuju spravu. 

Fota ilustracyjnaje

Raniej premjer-ministr Polščy Donald Tusk, zajaŭlajučy pra zatrymańnie ŭ jahonaj krainie padazravanych u napadzie na Vołkava, adznačyŭ, što jany «źviazanyja z kołami futbolnych fanataŭ ultras», a taksama što zatrymany hramadzianin Biełarusi, jaki ich naniaŭ. Pavodle źviestak vydańnia The Insider, na hetaha biełarusa vyjšli, vyvučajučy suviazi zatrymanaha za napady ŭ Arhiencinie.

Imia aryštavanaha biełarusa nie nazyvałasia, ale ciapier «Miediazona» vyśvietliła, što jaho zavuć Viktar Paviełka.

Viktaru Paviełku 36 hadoŭ. U 2022 hodzie jaho ŭžo sudzili ŭ Polščy pa spravie ab machlarstvie i admyvańni hrošaj. Adnoj z 17 abvinavačanych tady stała viadomaja ŭ Polščy televiadučaja Marcelina Zavadskaja, jakuju źviazvali z Paviełkam ramantyčnyja stasunki.

Jak raskazvała polskaje vydańnie Polityka, Paviełka — syn aficera KDB Biełarusi, a ŭ Polščy jon stvaryŭ złačynnuju hrupu, jakaja prymušała ludziej da machlarstva. Siarod ich była i televiadučaja Zavadskaja.

U sudzie adzin z padsudnych śćviardžaŭ, što padručnyja biełarusa pastavili na jaho mašynu GPS-majačok, paśla čaho jaho vysačyli i paranili nažom. Inšy padsudny, hramadzianin Ukrainy, charaktaryzavaŭ Paviełku jak čałavieka, jaki pje i pavodzić siabie ahresiŭna, časta pahražajučy fizičnaj raspravaj. Jašče adzin padsudny, były bajec MMA, jaki zajmaŭsia razam z Paviełkam hulniavym biznesam, uspaminaŭ, što toj padsyłaŭ da jaho dadomu ruskamoŭnych vymahalnikaŭ, kab vybić zapazyčanaść.

U vyniku sud u Kališy prysudziŭ Paviełku da 3 hadoŭ i 8 miesiacaŭ źniavoleńnia. Da taho času asudžany ŭžo bolš za dva hady byŭ u SIZA, a tamu praz peŭny čas apynuŭsia na voli.

U prakuratury Polščy «Miediazonie» paviedamili, što pa spravie ab napadach na rasijskich apazicyjanieraŭ biełarusu vystaŭlenyja try abvinavačvańni, siarod ich — arhanizacyja napadu pa palityčnych matyvach. Jon znachodzicca pad aryštam.

Proźvišča Paviełka adnojčy zhadvaje ŭ pierapiscy Anatol Blinoŭ.

«Jość navina — jość kurjer, jaki vozić załatyja maniety i hrošy ź Biełarusi ŭ Šviejcaryju i nazad. Znajomy majho numizmata, — pisaŭ jon 1 śniežnia minułaha hoda. — Bankaŭski kurjer — Paviełka Uładzimir».

Pra kaho mienavita tut idzie havorka, ź pierapiski niezrazumieła (nie vyklučana, što Blinoŭ prosta pierabłytaŭ imia).

Aryštavany Viktar Paviełka, kali vieryć listu Blinova, supracoŭničaje sa śledstvam i daje suprać jaho pakazańni.

Kamientary2

  • U turmu jaho, a potym na abmien
    27.11.2024
    Jak raskazvała polskaje vydańnie Polityka, Paviełka — syn aficera KDB Biełarusi, a ŭ Polščy jon stvaryŭ złačynnuju hrupu.
  • Gorliwy Litwin
    28.11.2024
    Na biełaj Rusi ŭžo stolki čekistaŭ i miantoŭ što na ŭsich ich dzietak nie chapaje ciopłych mieściejkaŭ. Užo łuka skazaŭ kab ich dyrektarami pryvatnych firm pryznačali, a ŭsio roŭna ŭžo nie chapaje. Davodzicca ŭžo i rekienam zajmacca ŭ niaščyraj panskaj Polščy
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

U vyniku ŭdaru pa Daniecku zahinuŭ kamandujučy adnoj z rasijskaj armij2

U vyniku ŭdaru pa Daniecku zahinuŭ kamandujučy adnoj z rasijskaj armij

Usie naviny →
Usie naviny

U vioscy pad Oršaj pry padrychtoŭcy da Dažynak źniščyli histaryčnyja budynki3

Sankcyjnaja palityka administracyi Trampa dazvalaje Rasii papaŭniać vajskovy biudžet2

Muž Marharyty Laŭčuk byŭ paranieny na froncie5

Zialenski pazbaviŭ ukrainskaha hramadzianstva mitrapalita UPC Anufryja2

Na minskaj Kamaroŭcy ŭ dva razy patańnieli lisički

U Minsku zakładčyk padmanvaŭ narkašop: zamovy prymaŭ, ale narkotyki pakidaŭ sabie3

Pravakatar, jaki nakinuŭsia na Łatušku, dniami kryčaŭ «Hańba!» i Paźniaku10

Siarhiej Cichanoŭski raskazaŭ, za kaho b jon prahałasavaŭ na budučych prezidenckich vybarach65

Katavańnie pierfarataram. Minčanka sutyknułasia z «viečnym» ramontam u susiedziaŭ

bolš čytanych navin
bolš łajkanych navin

U vyniku ŭdaru pa Daniecku zahinuŭ kamandujučy adnoj z rasijskaj armij2

U vyniku ŭdaru pa Daniecku zahinuŭ kamandujučy adnoj z rasijskaj armij

Hałoŭnaje
Usie naviny →

Zaŭvaha:

 

 

 

 

Zakryć Paviedamić