Premjer-ministr Polščy prainśpiektavaŭ novuju liniju abarony na miažy i nazvaŭ jaje «inviestycyjaj u mir»
«Pieršyja elemienty «Uschodni ščyt» pakazvajuć, što heta intelektualna skaardynavanaja sistema abarony». Polski premjer-ministr adznačyŭ, što ŭžo na hetaj stadyi budaŭnictva vidać, što heta sučasny sposab achovy polskaj miažy.
30 listapada premjer-ministar Polščy Donald Tusk naviedaŭ pieršy zavieršany ŭčastak fartyfikacyjnaj sistemy, jakaja budujecca na miažy z Rasijaj i Biełaruśsiu.
Jon nazvaŭ budaŭnictva vajennych umacavańniaŭ «inviestycyjaj u mir».
Premjer-ministr padkreśliŭ, što ŭsie płany ŭ dačynieńni da ŭschodniaj i paŭnočnaj hranic nakiravany na pavyšeńnie pačućcia biaśpieki i na samaj spravie pavialičać biaśpieku i stabilnaść.
Tusk źviarnuŭ uvahu na toje, što, mahčyma, nie kožny paličyć hetyja ŭmacavańni ŭražlivymi.
«Heta nie chmaračosy, ale heta kiłamietry zbudavańniaŭ. Častki hetych kanstrukcyj nie bačnyja niaŭzbrojenym vokam […]. Heta da hetaha času samy maštabny prajekt takoha typu ŭ historyi Jeŭropy paśla 1945 hoda. Uvieś East Shield budzie biesprecedentnym prajektam, adznačyŭ Tusk.
«Usio, što my robim tut, a taksama budziem rabić na miažy ź Biełaruśsiu i Ukrainaj, nakiravana na strymlivańnie i adpužvańnie mahčymaha ahresara, tamu heta sapraŭdy inviestycyja ŭ mir. My vydatkujem na heta miljardy złotych, ale zaraz usia Jeŭropa naziraje ź vialikim zadavalnieńniem i padtrymaje hetyja inviestycyi i našu dziejnaść, kali spatrebicca», — skazaŭ Tusk.
Jon zapeŭniŭ, što krainy Bałtyjskaha rehijonu buduć supracoŭničać z Polščaj, kab hetaja infrastruktura pracavała nie tolki na polskich učastkach, ale i pa ŭsioj praciahłaści miažy, «pierš za ŭsio z Rasijaj i Biełaruśsiu».
— Našaja dziejnaść taksama budzie datyčyć biaśpieki miažy z Ukrainaj — ź inšych pryčyn, ale my chočam, kab palaki adčuvali siabie ŭ bolšaj biaśpiecy pa ŭsioj praciahłaści ŭschodniaj miažy — skazaŭ Tusk.
Shield East — heta prahrama, padrychtavanaja Ministerstvam nacyjanalnaj abarony i Hienštabam Vojska Polskaha, jakaja praduhledžvaje budaŭnictva roznych typaŭ umacavańniaŭ, reljefnych pieraškod i vajskovaj infrastruktury na miežach Polščy z Rasijaj i Biełaruśsiu — praciahłaściu kala 800 km.
Taksama płanujecca stvareńnie adpaviednych sistem raźviedki, materyjalna-techničnych vuzłoŭ, składoŭ i razhortvańnie sistem baraćby ź bieśpiłotnikami, piša «Polskaje radyjo».
-
Rasijski Śledčy kamitet raspačaŭ kryminalnuju spravu praź incydent na buravoj vyšcy «Biełarusnafty» na Jamale
-
Tramp hatovy razam ź Jeŭropaj cisnuć na Rasiju z dapamohaj novych sankcyj
-
Češskaha hienerała Vajciachoŭskaha, jaki pachodziŭ ź Viciebska i zahinuŭ u HUŁAHu, paśmiarotna ŭznaharodzili Kryžam abarony dziaržavy
Ciapier čytajuć
Mielnikava krała hramadskija hrošy pa $2500, pieravodziačy na ŭłasny rachunak21
Mielnikava krała hramadskija hrošy pa $2500, pieravodziačy na ŭłasny rachunak
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu2222
Kamientary