U centry skandału, źviazanaha ź biełaruskimi traktarami, apynulisia polskija fiermiery. Vyšejšy administracyjny sud Varšavy vynies rašeńnie, što 6 traktaroŭ marki «MTZ Biełaruś» byli zarehistravanyja z parušeńniem zakanadaŭstva. Kab abyjści praviły, pryniatyja jašče ŭ 2016 hodzie, novuju techniku ŭ Polščy afarmlali jak užyvanuju. Precedent moža pieratvarycca ŭ łavinu, jakaja nakryje raniej pastaŭlenyja biełaruskija traktary, piša vydańnie «Pieršy».
Vyšejšy administracyjny sud Varšavy pryznaŭ, što niekatoryja traktary ź Biełarusi byli zarehistravanyja z parušeńniem zakona. 4 śniežnia 2024 hoda była adchilenaja skarha dylera «MTZ Biełaruś» u Polščy na adklikańnie rehistracyi 6 traktaroŭ biełaruskaj marki.
Nasamreč takich vypadkaŭ našmat bolš. Nie vyklučana, što fiermiery buduć patrabavać kampiensacyi ad dylera.
Pryčyna prablem tut nie ŭ sankcyjach, a ŭ tym, što ŭ 2016 hodzie ŭstupili ŭ siłu novyja standarty ekałohii dla traktaroŭ u Jeŭrasajuzie.
Paśla hetaha hoda ŭ biełaruskaj techniki nie było niekatorych siertyfikataŭ adpaviednaści. Bieź ich i zarehistravać techniku było b nielha, ale niekatoryja traktary stali rehistravać jak užyvanyja, kab abyści praviły, paviedamlaje partał fiermieraŭ Polščy farmer.pl.
Na parušeńni pry rehistracyi traktaroŭ źviarnuła ŭvahu polskaja prakuratura. I situacyja nabiraje abaroty. Za apošnija dni niekalki dziasiatkaŭ, a to i sotniaŭ fiermieraŭ u Padlašskim vajavodstvie atrymali listy ad prakuratury nakont rehistracyi traktaroŭ. Jość infarmacyja, što takich traktaroŭ tolki ŭ Padlašskim vajavodstvie bolš za 800.
Padobna na toje, što mnohim traktaram «Biełarus» u Polščy moža pahražać admiena rehistracyi. U takim vypadku śledam pojdzie i zabarona na ekspłuatacyju biełaruskich traktaroŭ. Tady jany pojduć ci na zapčastki, ci na mietałałom.
Fiermiery pacierpiać, ale kali vina za heta budzie ŭskładziena na imparciora, jaki ŭvoziŭ techniku, to nie vyklučana, što ahraryi pojduć z pazovami ŭ sudy i buduć patrabavać kampiensacyi ad dyleraŭ. Bo farmalna ichniaj viny tut niama — jany kuplali traktary ŭ aficyjnaha dylera. Ale ci zmohuć damahčysia fiermiery viartańnia svaich hrošaj — vialikaje pytańnie.
Na siońniašni dzień kampanija MTZ Polska znachodzicca ŭ stadyi likvidacyi.
U kamientarach na polskich forumach adzin z karystalnikaŭ vykazvaŭ mierkavańnie, što «zakon byŭ zrobleny dla zachodnich traktaroŭ, kab nie było kankurencyi MTZ». Ale fiermier abvierh heta arhumientam, što MTZ pradaje ŭ Polščy, u asnoŭnym, nievialikija traktary mahutnaściu 80-120 konskich siłaŭ, jany bolš papularnyja ŭ drobnych fiermieraŭ. Kankurencyju ž im składajuć chutčej pastaŭščyki z Azii, čym zachodnija.
Łukašenka i pakistanskamu premjeru padaryŭ dva traktary
MTZ pravioŭ kraš-test svajoj siakiery: instrumient pierajechali traktaram VIDEA
Nie tolki siakiery: MTZ źbirajecca vyrablać rapsavy alej
U Biełarusi vypuścili marmieład u vyhladzie traktara
«Prama skažu, situacyja nie takaja, jak my dumali». Litoŭski palityk z hrupaj fiermieraŭ źjeździŭ na ekskursiju ŭ Biełaruś
Ciapier čytajuć
Ina Kulej: Milinkievič pieramoh śmierć, ale šlach da poŭnaha adužańnia niablizki4
Kamientary