Hramadstva66

U Minsku adkryli restaran, nazva jakoha pahražaje mižnarodnym skandałam

U Minsku adkryli restaran, nazva jakoha całkam supadaje ź viadomaj sietkaj u Litvie. Adnak litoŭskija ŭładalniki zajavili, što nie majuć dačynieńnia da hetaj ustanovy, i zapadozryli biełarusaŭ u kradziažy tavarnaha znaka. «Lusterka» vyśvietliła, chto vałodaje hetym minskim restaranam.

Źleva — šylda ab adkryćci restarana Grill London u Minsku, Fota: koko.by. Sprava — uvachod u adzin z restaranaŭ Grill London u Vilni. Fota: panorama.lt

U Minsku 7 śniežnia adkryŭsia restaran Grill London. Jahonyja nazva i łahatyp całkam supadajuć ź viadomaj adnajmiennaj sietkaj restaranaŭ u Litvie. Da taho ž va ŭstanovy identyčny ź litoŭskimi «bratami» interjer, vytrymany ŭ ciomnych tonach u styli łoft, i padobnaja kancepcyja kuchni.

Pry hetym uładalniki sietki Grill London u susiedniaj krainie zajavili, što nie majuć dačynieńnia da hetaj ustanovy, a taksama abvinavacili biełarusaŭ u kradziažy tavarnaha znaka. Adzin z akcyjanieraŭ Grill London Ejmantas Navikaŭskas padkreśliŭ u razmovie z LRT, što kampanija nie viadzie nijakaj dziejnaści ŭ Biełarusi.

«Infarmacyju pra niezakonnaje vykarystańnie tavarnaha znaka našaj sietki restaranaŭ u Biełarusi my atrymali niekalki dzion tamu, usiu najaŭnuju infarmacyju pa hetaj spravie my pieradali jurystam», — paviedamiŭ jon.

Jak vyśvietliła «Lusterka», vałodaje restaranam Grill London u Minsku kampanija «Midpoint hrup». Jana była zasnavanaja ŭ 2011 hodzie i zajmałasia pasłuhami hatelaŭ i anałahičnych miescaŭ dla pražyvańnia z restaranami.

Raniej firma kiravała kaviarniaj «Pronta» na vulicy Kujbyšava ŭ Minsku. Ciapier jana zakrytaja. Joj taksama naležyć roźničny abjekt u hateli Crowne Plaza Minsk.

Uładalniki firmy — hramadzianie Turcyi Šanciurk Hiursieł i Hierkiem Sierkan Arynč, vynikaje sa źviestak adzinaha dziaržrehistratara jurydyčnych asob. Abodva majuć roŭnyja doli ź lipienia 2023 hoda. Da hetaha siarod suzasnavalnikaŭ značyŭsia ich suajčyńnik Ezer Ahiun Achmiet.

Uładalniki kampanii «Midpoint Hrup», jakaja kiruje restaranam Grill London u Minsku. Skrynšot vypiski z adzinaha dziaržrehistratara jurydyčnych asob

Pavodle źviestak za 2022 hod, Šanciurk Hiursieł značyŭsia dyrektaram firmy «Biełpartnior». Jon ža vałodaŭ tureckaj kampanijaj, u jakoj była dola ŭ hetym ambicyjnym prajekcie.

Hetaja kampanija pavinna była pabudavać u Homielskaj vobłaści račny port. DziaržSMI nazyvali jaho budučym «klučom dla vychadu našaj krainy ŭ Čornaje mora», jaho rekłamavaŭ sam Łukašenka. Płanavałasia, što jon budzie pastaŭlać pa race naftapradukty i kalijnyja ŭhnajeńni. Z pačatkam vajny va Ukrainie prajekt pa adnaŭleńni račnoha sudnachodstva całkam spyniŭsia. Hetamu biznesoŭcu taksama naležyć budaŭničaja firma «Atelbud».

Druhi saŭładalnik, Hierkiem Sierkan Arynč, taksama značycca jak indyvidualny pradprymalnik, jaki z 2017 hoda ŭ hetym statusie zajmajecca prahramavańniem. 

Kamientary6

  • Ćchu
    09.12.2024
    Užo zusim stracili soram: Vieramiejčyk u ich nie mižnarodny skandał, a niejkaja kaviarnia ŭžo treba NATA ŭźnimać. I jany nas vučać demakratyi!
  • Confusion
    09.12.2024
    Kakije problemy? Uładalniki riestaranu jevropiejčyki. Počiemu v staťje ich nazyvajut biełarusami?
  • Letuva nie Litva, Rasieja nie Ruś
    09.12.2024
    A kali kraduć ziamlu, historyju, hierb i navat narod, tupa dabaŭlajučy da histaryčnych nazvaŭ, imionaŭ dy proźviščaŭ kančatki, hetaje jak nazyvajecca, ha?
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Pad Minskam adbyŭsia mahutny vybuch na hazavym trubapravodzie3

Pad Minskam adbyŭsia mahutny vybuch na hazavym trubapravodzie

Usie naviny →
Usie naviny

Biełaruska aburyłasia koštam lisičak u 55 rubloŭ za kiłahram3

Siaredni zarobak «brudnymi» składaje 911 dalaraŭ4

Adnačasova dźvie avaryi pad Minskam, paciarpieli niekalki čałaviek. Ludzi kažuć pra začaravany ŭčastak trasy

«Pakul nie čuŭ, kab biełarusaŭ departavali». Amierykanski advakat pra mihracyjnuju palityku ZŠA pry Trampie2

Kupałaŭski teatr prapanoŭvaje novuju pasłuhu: ciapier tam možna pabracca šlubam13

Krutoha ajcišnika, jaki viarnuŭsia z Hruzii, asudzili pa čatyroch palityčnych artykułach10

U Amurskaj vobłaści Rasii raźbiŭsia samalot z 49 čałaviekami na borcie

Dva małyja braty atrymali mocnyja apioki pry raspalvańni łaźni

Chodzić lehienda, što Ozi Osbarn adkusiŭ hałavu žyvomu kažanu. A što ž adbyłosia nasamreč?2

bolš čytanych navin
bolš łajkanych navin

Pad Minskam adbyŭsia mahutny vybuch na hazavym trubapravodzie3

Pad Minskam adbyŭsia mahutny vybuch na hazavym trubapravodzie

Hałoŭnaje
Usie naviny →

Zaŭvaha:

 

 

 

 

Zakryć Paviedamić