Litoŭskaja raźviedka papiaredziła biełarusaŭ, što ich imkniecca zavierbavać KDB
Litoŭskaja raźviedka zafiksavała, što biełaruski KDB aktyvizavaŭ dziejnaść u dačynieńni da biełaruskaj dyjaspary za miažoj — u Litvie, Polščy, Hruzii i inšych krainach. Pavodle źviestak Departamienta dziaržaŭnaj biaśpieki Litvy (DDB), praz sacyjalnyja sietki KDB sprabuje vierbavać biełarusaŭ, što žyvuć za miežami krainy, piša Delfi.lt.
Supracoŭniki KDB, jak śćviardžaje litoŭskaja raźviedka, nie chavajuć svajoj prynaležnaści da śpiecsłužbaŭ i vychodziać na suviaź z pradstaŭnikami dyjaspary, prapanoŭvajučy im supracoŭnictva — za hrošy, novyja biełaruskija pašparty, biaśpiečnaje viartańnie na radzimu. Uzamien jany čakajuć infarmacyju pra demakratyčny ruch, nastroi ŭ asiarodździ apazicyi i inšyja źviestki, cikavyja biełaruskim uładam.
Kali ludzi admaŭlajucca supracoŭničać, KDB užyvaje cisk — pahražaje biaśpiecy ich svajakoŭ u Biełarusi. Akramia taho, śpiecsłužby Biełarusi i Rasii pravodziać psichałahičnyja i infarmacyjnyja apieracyi suprać dyjaspary, u tym liku z vykarystańniem Telegram. Praz fejkavyja vakansii i abjavy ich padbuchtorvajuć na supraćpraŭnyja dziejańni, kab spravakavać kanflikty pamiž biełarusami i litoŭskim hramadstvam.
Asobna adznačajecca, što ŭzrasła kolkaść napadaŭ na Ofis Śviatłany Cichanoŭskaj — kab pieraškodzić jaje dziejnaści.
U suviazi z hetym litoŭskaja vyviedka zaklikaje biełarusaŭ, što znajšli prytułak u Litvie, nie paddavacca na pravakacyi i papiaredžvaje, što supracoŭnictva z zamiežnymi śpiecsłužbami moža mieć kryminalnyja nastupstvy.
Syn supracoŭnika biełaruskaha KDB vierbavaŭ u Polščy ludziej dla napadu na rasijskich apazicyjanieraŭ
Prapanoŭvali hrošy, novy pašpart i naviedvańnie Biełarusi biez nastupstvaŭ. Biełaruska za miažoju raskazała, jak jaje vierbavaŭ KDB
Byłoj ściuardesie «Biełavija» nie padoŭžyli ŭ Litvie DNŽ, paličyŭšy pahrozaj nacbiaśpiecy. Jana 20 razoŭ źjeździła ŭ Biełaruś
U biełaruskich telehram-kanałach źjavilisia abjavy pra vierbavańnie kantraktnikaŭ dla Minabarony RF
Ciapier čytajuć
Lehiendarnaja žurnalistka Luboŭ Łuniova raskazała pra Viktara Łukašenku i adnakurśnikaŭ, stvareńnie «Viasny» i palityčny bamond13
Kamientary
Vaša, vaša, nichto nie admaŭlaje, ale ž vy palicieś jak špilevaja čepiha i padmyškin))
Pakul KDB zdradnikaŭ siarod biełarusaŭ tolki sprabuje vierbavać, siarod letuvisaŭ jany užo sfarmavali niekalki charuhvaŭ, choć zaŭtra pad Hrunvald adpraŭlaj. Zaklikaju DDB terminova pašukać hetych kałabarantaŭ naprykład u fb-supołcy Śvitonisa.