Čynoŭniki prakamientavali znos budynka Histaryčnaj majsterni ŭ Minsku
U administracyi Maskoŭskaha rajona Minska prakamientavali niadaŭni znos budynka Histaryčnaj majsterni pa vulicy Suchoj. Ličycca, što tam padčas Druhoj suśvietnaj vajny chavalisia apošnija vyžyłyja viaźni hieta, choć jość i viersija, što budynak pabudavali ŭžo paśla vajny.
«Rekanstrukcyja praduhledžvaje demantaž budynka, jaho adnaŭleńnie ŭ pieršapačatkovym vyhladzie, a taksama daabstalavańnie prybudovami, — paviedamili ahienctvu «Minsk-Naviny» ŭ administracyi Maskoŭskaha rajona. — Zakančeńnie rabot zapłanavana na žnivień 2025 hoda. Pry hetym budynak budzie vykarystany pa pryznačeńni: dla praviadzieńnia sieminaraŭ i vystavy kampazicyj, pryśviečanych historyi Minskaha hieta».
Budynku abiacajuć viarnuć «aŭtentyčnaje davajennaje abličča»: zachavać na histaryčnym fasadzie «roznuju fakturu: draŭlanuju, cahlanuju». Zhodna z prajektam, da hetaj histaryčnaj častki prybudoŭvajecca sučasny korpus sa škła i bietonu.
Budynak znachodziŭsia ŭ avaryjnym stanie, tamu jašče ŭ 2021-m raspracavali prajekt rekanstrukcyi, jaki jakraz ciapier nibyta i realizujecca.
Kamientary