Kultura1515

U Minsku całkam źnieśli budynak Histaryčnaj majsterni na miescy byłoha hieta FOTA

Ad Histaryčnaj majsterni Leanida Levina pa vulicy Suchoj zastaŭsia tolki padvał i hrudy cehły z darevalucyjnymi klejmami.

Miesca źniesienaj Histaryčnaj majsterni ŭ Minsku. Fota: telehram-kanał «Spadčyna»

Fotazdymki ź miesca, dzie stajaŭ budynak, apublikavaŭ telehram-kanał «Spadčyna».

Raboty pa znosie budynku pačalisia na dniach, ale tady paličyli, što demantavana i paśla sabrana nanova budzie tolki draŭlanaja častka.

Histaryčnaja majsternia da pačatku rekanstrukcyi. Fota: Biełaruskaja słužba Polskaha radyjo 

Jak śćviardžajecca ŭ krynicach, dom byŭ pabudavany ŭ pačatku XX stahodździa i naležaŭ siamji Biarkoŭskich. Lejb Biarkoŭski byŭ vartaŭnikom na raźmieščanych niepadalok jaŭrejskich mohiłkach i viadomym raźbiarom pa kamieni — taksama rabiŭ kamiani dla mohiłak. Padčas vajny dom la mohiłak znachodziŭsia ŭ miežach Minskaha hieta. U im była zroblena schovanka, tak zvanaja «malina». 

21 kastryčnika 1943 hoda nacysty likvidavali hieta, źniščyŭšy ŭsich jaho nasielnikaŭ. 23 kastryčnika akupanty abviaścili Minsk «judenfraj» (Judenfrei) — svabodnym ad jaŭrejaŭ. Adnak u «malinie» schavalisia 26 jaŭrejaŭ z hieta, i 13 ź ich dažyli da vyzvaleńnia. U 2003 hodzie ŭ budynku Leanid Levin adkryŭ Histaryčnuju majsterniu, dzie ładzilisia vystavy pa temie Chałakosta, a taksama mižnarodnyja kanfierencyi i sieminary.

Pačatak znosu Histaryčnaj majsterni. Fota: čat telehram-kanała «Spadčyna»
Miesca źniesienaj Histaryčnaj majsterni ŭ Minsku. Fota: telehram-kanał «Spadčyna»
Miesca źniesienaj Histaryčnaj majsterni ŭ Minsku. Fota: telehram-kanał «Spadčyna»

Budynak daŭno byŭ avaryjny, i ŭ častcy jaho ŭvohule zabaraniałasia chadzić z-za niebiaśpieki abvalvańnia padłohi. Kancepcyju rekanstrukcyi Histaryčnaj majsterni pa vulicy Suchoj pradstavili jašče ŭ kancy vieraśnia 2021 hoda. Kancepcyja rekanstrukcyi, raspracavanaja pad kiraŭnictvam architektarki Haliny Levinaj, dački Leanida Levina, praduhledžvała znos paślavajennych prybudoŭ da doma, jaki na prajektnych płanach paznačany jak budynak kanca XIX — pačatku XX stahodździa. Zamiest ich musiła ŭźniknuć prybudova sa škła i kamieniu, jakaja b značna pašyryła płošču Histaryčnaj majsterni.

Padvał źniesienaha budynka na Suchoj vulicy, 25. Fota: telehram-kanał «Spadčyna»
Padvał źniesienaha budynka na Suchoj vulicy, 25. Fota: telehram-kanał «Spadčyna»

Realizacyja prajekta pa nieviadomych pryčynach zaciahnułasia, aktyŭnyja budaŭničyja raboty byli zaŭvažanyja tolki ciapier, u kancy 2024 hoda. Rekanstrukcyja, adnak, vyjšła za miežy abaznačanaha ŭ raniejšaj kancepcyi znosu prybudoŭ.

Ekskavatarami źnieśli nie tolki prybudovy, draŭlanuju častku doma, ale i muravanuju. Zachavaŭsia tolki padvał i hruda cehły, na jakoj možna pabačyć klajmo «F». Cehłu z takim klajmom vyrablali cahielnym zavodzie ŭ minskim pradmieści Plaščanka (rajon vulicy Rozy Luksiemburh), jaki ŭ 1898 hodzie zasnavała siamja jaŭrejskich pramysłoŭcaŭ Frydaŭ.

Hruda cehły na miescy Histaryčnaj majsterni. Fota: telehram-kanał «Spadčyna»
Darevalucyjnaja cehła z klajmom «F» cahielni Hirša Fryda. Fota: telehram-kanał «Spadčyna»

Zrešty, telehram-kanał «Spadčyna», praanalizavaŭšy niamieckija aerafotazdymki časoŭ vajny, zaŭvažaje: u pačatku vajny na rahu Suchoj i Kalektarnaj sapraŭdy isnavali dva damy, ale jany nie supadajuć pa abrysach z častkami budynka, u jakim raźmiaščałasia Histaryčnaja majsternia, a na aerafotazdymkach za 1943-1944 hady na hetym miescy ŭžo nie isnavała nijakich pabudoŭ. Z hetaha vynikaje, što budynak Histaryčnaj majsterni moh być pabudavany ŭžo paśla vajny, a nie ŭ kanca XIX — pačatku XX stahodździa, jak śćviardžałasia ŭ prajekcie.

«Naša Niva» — bastyjon biełaruščyny

PADTRYMAĆ

Kamientary15

  • Pan Usialan
    09.12.2024
    Usio jak zaŭsiody, čysta i niama vajny
  • Odin vopros
    09.12.2024
    Hdie žie vziali dorievolucionnyj kirpič v takom količiestvie čtoby postroiť pośle vojny? Čto to mnie kažietsia Spadčina libo ošibłaś,libo im na łapu dali za "isśledovanija"
  • aleynue
    09.12.2024
    Jeśli eti doma postrojeny pośle vojny, to kak žie dorievolucionnyj kirpič iz osnovanija zdanij? Čto to nie stykujetsia...

Ciapier čytajuć

Vajar ź Biełaruskaha dobraachvotnickaha korpusa: Ja žyŭ u ružovaj burbałcy5

Vajar ź Biełaruskaha dobraachvotnickaha korpusa: Ja žyŭ u ružovaj burbałcy

Usie naviny →
Usie naviny

«Vahnier» zavierbavaŭ ludziej u Łondanie, kab tyja vykrali rasijskaha biznesmiena Čyčvarkina. Adzin ź ich pierapisvaŭsia z «Minsk KGB»6

Jak Tramp vykarystoŭvaje «teoryju varjata», kab mianiać śviet pad siabie. I ŭ jaho atrymlivajecca4

«U vas jość usiaho niekalki chvilin». Što rabić, kali navalnica, urahan abo śmierč zastali na pryrodzie2

Na haradziščy na Miency znajšli frahmient amfary z runaj11

Premjer Danii: ES treba pieraŭzbroicca za hetyja piać hadoŭ2

U Kanadzie raskryta zmova «antyŭradavaha apałčeńnia» z udziełam vajskoŭcaŭ2

Kiraŭnik kadravaj słužby Trampa Sierchia Hor akazaŭsia ŭradžencam Taškienta Siarhiejem Harachoŭskim11

«Samaje pryhožaje śviata leta». Turysty raskazali, jak źjeździli na Kupalle ŭ Sułu3

Śviatłana Cichanoŭskaja sustrełasia ź ministram unutranych spraŭ Litvy. Razmova išła pa-biełarusku12

bolš čytanych navin
bolš łajkanych navin

Vajar ź Biełaruskaha dobraachvotnickaha korpusa: Ja žyŭ u ružovaj burbałcy5

Vajar ź Biełaruskaha dobraachvotnickaha korpusa: Ja žyŭ u ružovaj burbałcy

Hałoŭnaje
Usie naviny →

Zaŭvaha:

 

 

 

 

Zakryć Paviedamić