Izrail skarystaŭsia biezuładździem u Siryi i razbambiŭ usio, što moh
Za apošnija 48 hadzin Izrail nanios kala 250 avijaŭdaraŭ pa siryjskaj terytoryi z metaj źniščeńnia vajennaha patencyjału zrynutaha režymu, paviedamlaje Siryjski centr manitorynhu za vykanańniem pravoŭ čałavieka (SOHR).
«Izrail źniščyŭ najvažniejšyja vajskovyja abjekty ŭ Siryi, uklučajučy siryjskija aeradromy i składy na ich, avijacyjnyja eskadrylli, radary, vajennyja stancyi suviazi i mnostva składoŭ zbroi i bojeprypasaŭ u roznych miescach u bolšaści siryjskich pravincyj», — havorycca ŭ zajavie arhanizacyi, jakaja bazujecca ŭ Brytanii.
U pryvatnaści, niedaloka ad Łatakii Izrail nanios udar pa abjekcie SPA i paškodziŭ karabli siryjskich VMS, a taksama vajennyja składy.
U Damasku i jaho navakollach udary byli naniesieny pa vajennych abjektach, daśledčych centrach i kiravańni radyjoelektronnaj baraćby.
Izrail paviedamlaje, što paśla padzieńnia režymu Asadaŭ jaho dziejańni nakiravanyja na «praduchileńnie traplańnia zbroi ŭ ruki ekstremistaŭ».
CACHAŁ pašyryŭ naziemnuju apieracyju — raniej Armija abarony Izrailu zachapiła siryjskuju častku Hałanskich vyšyń, ale nie spynilisia paśla hetaha. Paviedamlajecca, što jany ŭžo dasiahnuli pradmieściaŭ Damaska.
Izrailskija tanki prasunulisia za miežy bufiernaj zony i dysłakavalisia kala pasielišča Katana na poŭdni Siryi, pieradaje livanski telekanał Al Mayadeen. Nasieleny punkt znachodzicca za 21 km ad Damaska.
Izrail u zajavie dla Savieta biaśpieki AAN paviedamiŭ, što «pryniaŭ abmiežavanyja i časovyja miery dla supraćdziejańnia pahrozam», ale «nie ŭmiešvajecca ŭ kanflikt pamiž siryjskimi ŭzbrojenymi hrupoŭkami, jaki praciahvajecca».
Ciapier čytajuć
Stała viadoma, što za 200 tysiač jeŭra prapanoŭvali Siarhieju Cichanoŭskamu «biełaruskija biznesmieny»27
Kamientary