Hramadstva22

U kaplicy pad Smarhońniu paniščyli sarkafahi i raskidali čałaviečyja pareštki

Hrupa vałancioraŭ vyrašyła pryvieści ŭ paradak kaplicu-pachavalniu Kačanoŭ u vioscy Ivaškaŭcy Smarhonskaha rajona. Ale ŭbačanaje ich šakavała. Padčas pracy jany zaŭvažyli, što pareštki pachavanych parušanyja. Z sarkafahaŭ vyciahnuli kostki i rečy, taksama pamierłym adarvali čarapy, piša Hrodna.life.

Kaplica-pachavalnia Kačanoŭ u Ivaškaŭcach. Fota: Alaksandr Fiodaraŭ, Jandeks Karty
Kaplica-pachavalnia Kačanoŭ u Ivaškaŭcach. Fota: Alaksandr Fiodaraŭ, Jandeks Karty

Kaplicu-pachavalniu pabudavała na pačatku XX stahodździa siamja Kačanoŭ, jakija byli prychadžanami katalickaj parafii ŭ Sołach. Kaplica ŭniesiena ŭ śpis historyka-kulturnych kaštoŭnaściaŭ jak pomnik 3-j katehoryi kaštoŭnaści. Z 2018 hoda krajaznaŭca Alena Bobina daśleduje historyju kaplicy, ładzić subotniki i arhanizuje restaŭracyjnyja raboty.

Šmat śmiećcia, ale klimat spryjaje mumifikacyi: u jakim stanie znachodzicca kaplica

Čarhovy subotnik adbyŭsia 7 śniežnia 2024 hoda. Tady Alena Bobina razam z hrupaj vałancioraŭ daśledavała kaplicu i vyznačyła, što vientylacyjnyja kanały budynka zabityja śmiećciem, kamianiami i bitym škłom.

«Nieabchodna pravieści ich ačystku i ŭstanavić rašotki, kab papiaredzić praniknieńnie drobnych ptušak i žyvioł», — padzialiłasia na svajoj fejsbuk-staroncy Alena Bobina.

Razam z tym krypta zachavałasia ŭ dobrym stanie. Krajaznaŭca ličyć, što nie apošniuju rolu ŭ hetym syhrała majsterstva architektara i dojlidaŭ.

«Ścieny, pierakryćci, nišy znachodziacca ŭ idealnym stanie, całkam adsutničajuć ślady vilhaci. Admysłovy klimat spryjaŭ mumifikacyi bolšaści pareštkaŭ u sarkafahach», — piša Bobina.

Vałanciory: «Z usich pachavanych tolki ŭ adnaho zachavaŭsia čerap»

U krypcie znachodziacca šeść cynkavych sarkafahaŭ i try draŭlanyja truny. Jak udałosia vyśvietlić Bobinaj, tut pachavanyja baćka i dačka — Kazimir i Alaksandra Kačany. Imiony astatnich pradstaŭnikoŭ rodu pakul nieviadomyja.

Padčas rabot u kaplicy vałanciory zaŭvažyli, što ŭsie sarkafahi i truny ŭskrytyja.

«Z usich pachavanych tolki ŭ adnaho zachavaŭsia čerap (naohuł hety sarkafah najmienš paškodžany, mahčyma, vandały i złačyncy nie paśpieli da jaho dabracca), astatnija čarapy byli vykradzienyja. Bolšaść cieł vyciahnutyja z razadranych mietaličnymi pradmietami (łamami, manciroŭkami?) sarkafahaŭ.

Vierahodna, paśla taho, jak ź ich byli źniatyja ŭsie kaštoŭnyja rečy (niama navat ružancaŭ), jany byli raskidanyja ŭ chaatyčnym paradku. Ad tych ciełaŭ, jakija nie mahli vyciahnuć z sarkafahaŭ, prosta adryvali hałovy, prytym nižniaja skivica zastavałasia ź ciełam. I ŭsio heta z ulikam taho, što pareštki častkova mumifikavanyja. Na adnym z sarkafahaŭ, azdoblenych aniołami, u aniołaŭ taksama adrezanyja hałovy», — piša krajaznaŭca.

U kaplicy pad Smarhońniu paniščyli sarkafahi i raskidali čałaviečyja pareštki - ciapier jaje adnaŭlajuć
Adzin z paškodžanych sarkafahaŭ i imiannaja šylda pachavanaha z rodu Kačanoŭ. Fota: fejsbuk Aleny Bobinaj

Vandały mahli praniknuć u kaplicu ŭ 2016 hodzie

Bobina adznačaje, što, pa słovach miascovych žycharoŭ, u 2016 hodzie, paśla śmierci miascovaha čałavieka, jaki nahladaŭ za mohiłkami, dźviery kaplicy byli ŭzłamanyja i kala miesiaca stajali rasčynienymi. Krajaznaŭca miarkuje, što mienavita tady pachavańni mahli apahanić.

Krajaznaŭca pryznaje, što pabačanaje ŭ kaplicy jaje šakavała. Taksama Bobina adznačaje, što padobnyja subotniki dazvalajuć adšukać novyja fakty, jakija «pavinny stać vialikim šturškom dla dalejšaha vyvučeńnia i daśledavańnia krypty».

Kamientary2

  • Mch
    11.12.2024
    Možna navat pravanhavać adkaz HUBAZiKA: "Złačynstva zroblena ŭ nieŭstanoŭleny čas, nieŭstanoŭlenymi asobami, i tamu spravy nie budzie". Heta było zroblena naŭmysna, i miarkujučy pa ŭsim dobra rychtavałasia. Hladzicie, kab nie paviesili ŭsio na vałancioraŭ.
  • Alaksandr Ryhoravič
    12.12.2024
    Havarycie sa mnoj, nie zabyvajcie pra minia, pryjezžajcie ka mnie v hości. A to ja i nie takoje mahu sdiedać.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»7

Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»

Usie naviny →
Usie naviny

Vieteranu z Hrodna 97 hadoŭ — u 1945-m achoŭvaŭ most pad Nižnim Noŭharadam, a paśla vajny zmahaŭsia z «banderaŭcami»19

Anarchistu ŭ Rasii dali 16 hadoŭ za padpał vajenkamata. Jon źbieh u Biškiek, jaho złavili i departavali

Brusel płanuje skaracić dyppiersanał u Biełarusi11

Čarhovy biełaruski trenier uznačaliŭ kiprski «Arys»

Kolki šenhienskich viz atrymali biełarusy ŭ 2024 hodzie i jakija krainy ich čaściej vydajuć?9

Adzinaccać hadoŭ Łukašenka raźvivaje harady-spadarožniki. Pakul atrymlivajecca nie vielmi

U ES uzhadnili admienu štampaŭ na miažy Šenhienu1

Ludzi ŭ šoku ad taho, kolki kaštuje vosiem dzion płyć pa rekach Paleśsia na ciepłachodzie «Biełaja Ruś»13

Biełarus znajšoŭ na nabytym učastku dziŭnyja rečy na vypadak apakalipsisu1

bolš čytanych navin
bolš łajkanych navin

Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»7

Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»

Hałoŭnaje
Usie naviny →

Zaŭvaha:

 

 

 

 

Zakryć Paviedamić