Ofis Cichanoŭskaj stvaryŭ ananimnuju formu dla fiksacyi parušeńniaŭ na vybarach
Kamanda Ofisa Śviatłany Cichanoŭskaj stvaryła ananimnuju formu dla pieradačy infarmacyi. Praź jaje možna biaśpiečna padzialicca ŭsim, što možna paličyć vartym, paviedamlajecca ŭ telehram-kanale OSC.
«26 studzienia ŭ Biełarusi projduć #biazvybary2025 — čarhovaja sproba režymu Łukašenki ŭtrymać uładu, ihnarujučy volu biełaruskaha naroda. Na fonie hetaha situacyja ŭ krainie tolki paharšajecca: kolkaść aryštaŭ, zatrymańniaŭ i pieraśledaŭ imkliva raście. Heta dakazvaje: prezidenckija «vybary» nie pra demakratyju, a pra jaje insceniroŭku, jakaja maje metaj stvaryć iluziju lehitymnaści i praciahnuć represii suprać tych, chto zmahajecca za niezaležnaść i svabodu», — zaznajecca Ofis.
Štab Cichanoŭskaj pierakanany, što varta sabrać usie fakty pra złačynstvy režymu, kab u budučyni vinavatyja panieśli adkaznaść, a taksama padkreślivaje, što dasłanaja infarmacyja zastajecca ananimnaj i nadziejna abaronienaj: tam nie zapytvajecca asabistych źviestak, a suviaź šyfrujecca pratakołami SSL/TLS.
«Fiksujcie, kab nie zabyć, i dzialiciesia, kab nie maŭčać. Biełarusy vartyja lepšaj budučyni. Razam my zmožam pieraadoleć lubyja pieraškody i zrabić krainu svabodnaj i spraviadlivaj», —zaklikaje OSC.
-
Minimum 314 biełarusaŭ zahinuli va Ukrainie, vajujučy za Rasiju. Stali viadomyja imiony. Ad viarboŭki da śmierci prachodzić u siarednim paŭhoda
-
Biełaruska z synam u Francyi zastałasia bieź vidu na žycharstva. Jana prosić padtrymki, kab nie apynucca na vulicy
-
Nazvanyja apošnija nobieleŭskija łaŭreaty ŭ hetym hodzie
Ciapier čytajuć
«Pieraapranuŭsia ŭ amapaŭca i dyryžyravaŭ čornaj dubinkaj». Adzin z zasnavalnikaŭ «Volnaha choru» — pra akcyi ŭ handlovych centrach u 2020‑m i pracu ŭ fiłarmonii ŭ Litvie44
Kamientary
Rasskažitie im o tom, kak rabotajet DNS v RB. Pusť ubierut i nie podstavlajut ludiej.
Navat kali jon cudam adčyniajecca ź Biełarusi. Bo mohuć padmienić sajt, padobnaje ŭžo rabili raniej.