U Ašmianskim rajonie mužčyna linuŭ bienzinam u piečku, kab lepš hareła
A potym sam ratavaŭsia, a dom zhareŭ.
Žyły dom hareŭ uviečary 12 śniežnia ŭ vioscy Bierniki Ašmianskaha rajona. 60-hadovy haspadar sam pryznaŭsia, što pryčynaj uzharańnia staŭ bienzin, jakim jon sprabavaŭ paskoryć hareńnie ŭ piečcy, piša Kraj.by.
Paviedamleńnie ab pažary ŭ Biernikach pastupiła 12 śniežnia ŭ 17:30. Ratavalnikam patelefanavaŭ śviedka. Na miesca zdareńnia vyjechali čatyry pažarnyja raźliki.
Kali padraździaleńni prybyli ŭ Bierniki, dach pryvatnaha draŭlanaha doma byŭ całkam achopleny ahniom. 60-hadovy haspadar raspavioŭ, što vyrašyŭ raspalić pieč i, kab praces pajšoŭ chutčej, vykarystaŭ bienzin.
Pary bienzinu ŭspychnuli, połymia za siekundy achapiła pakoj. Haspadaru daviałosia vybiehčy na vulicu, ratujučysia ad pažaru. Mužčyna nie paciarpieŭ.
Ratavalniki patušyli pažar. U vyniku zhareŭ dach i majomaść u domie, paškodžany ścieny ź pierakryćciem.
Ciapier čytajuć
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier77
Kamientary